Уначы 18 студзеня мітрафорны протаіерэй Аляксандр Наздрын правёў у вёсцы Парэчча Гродзенскага раёна традыцыйны чын вялікага асвячэння вады ў цэху разліву мінеральнай вады. Пасля асвячэння бутэлькі развезлі па храмах Гродна, каб людзі ранiцай змаглi яе набыць.
Як і ў папярэднія гады, ваду з асвечанай артэзіянскай свідравіны глыбінёй 256 метраў разлівалi ў паўтаралітровыя ПЭТ-бутэлькі без дадання газу. У гэтым годзе праваслаўныя храмы горада заказалі каля 15 тысяч бутэлек.
Са слоў начальніка цэха разліву мінеральнай вады ААТ «Молочный мир» Аляксандра Курмана, у гэтым годзе партыя павялiчылася амаль на тысячу бутэлек.
Традыцыя асвячэння мінеральнай вады ў вёсцы Парэчча існуе ўжо каля 10 гадоў. Раней праваслаўныя святары ездзілі ў Гожу, дзе некалі размяшчаўся цэх.
Купіць бутэльку з асвечанай вадой можна будзе каля кожнага праваслаўнага храма ў Гродне, пачынаючы з 18 студзеня. Цана адной бутэлькі 3 рублі.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…