Будаўнікі ўжо паставілі агароджу і пачынаюць вызваляць ад смецця нежылы будынак па вуліцы Калючынскай 23. Плануецца, што пасля рэканструкцыі там адкрыецца чатырохзоркавая гасцініца з рэстаранам і фізкультурна-аздараўленчым комплексам. Інвестар — вядомы бізнесмэн Станіслаў Сямашка, уласнік аднайменнай гасцініцы ў Гродне і вілы ў Чарнагорыі.
Пачаткова планавалася, што нежылы будынак будзе рэканструяваны пад гандлёвы цэнтр, але пасля канцэпцыя змянілася. На першым паверсе размесціцца рэстаран, у падвале будзе фізкультурна-аздараўленчы комплекс. Каля гасцінiцы з’явіцца стаянка.
Згодна з праектам у будынку нічога не будуць зносіць.
Пабудаваны пасля пажару 1885 г. дом па Калючынскай 23 быў адным з найбольшых будынкаў тагачаснага Гродна. У ім размяшчаліся розныя навучальныя яўрэйскiя ўстановы. Адсюль пайшлі і будучыя рабіны Тэль-Авіва і Ізраіля Амiель і Унтерман. Гэты дом быў адным з галоўных будынкаў, што ўтваралі пачатак вуліцы Калючынскай, што цягнулася ад Савецкай плошчы.
У савецкi час у доме размяшчаўся інтэрнат, а з часам будынак прызналі непрыдатным для жыцця.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…