Білборды са схемамі турыстычных маршрутаў усталююць на ўездах у Гродна

На ўездах у Гродна да канца красавіка ўсталююць білборды з картамі-схемамі турыстычных маршрутаў. Аб гэтым карэспандэнту БЕЛТА паведаміў намеснік начальніка аддзела адукацыі, спорту і турызму Гродзенскага гарвыканкама Яўген Ародзь.

Да канца красавіка на ўсіх асноўных уездах у абласны цэнтр з’явяцца спецыяльныя білборды, якія распавядаюць аб асноўных турыстычных маршрутах і накірунках у Гродне. Выкананы яны будуць у выглядзе карты-схемы. Усталяваць іх плануюць на ўездзе ў Гродна з Мінска з боку трасы М6, а таксама на літоўскім напрамку на вуліцы Горкага, на Індурскай шашы і іншых ўездах з боку Польшчы.

«Працягваецца напаўненне інфармацыяй партала grodnovisafree.by. Там змяшчаецца неабходная інфармацыя аб магчымасцях бязвізавага ўезду, падрабязная інтэрактыўная карта так званай бязвізавай зоны з указаннем усіх турыстычных аб’ектаў, а таксама гасцініц, кафэ, рэстаранаў, аграсядзіб, самых цікавых маршрутаў, прадстаўленыя анонсы культурных, спартыўных і забаўляльных мерапрыемстваў і многае іншае. Уся інфармацыя даступная на англійскай, польскай, рускай і літоўскай мовах», — адзначыў Яўген Ародзь. Ён падкрэсліў, што функцыянал партала пашыраецца.

[irp posts="10 283″ name="Гродна для турыстаў: не-галоўныя музеі горада, якія варта наведаць"]

Таксама працягваецца ў Гродне ўстаноўка інфармацыйных таблічак ля асноўных славутасцяў. Выкананыя ў выглядзе пюпітараў,
яны расказваюць на трох мовах як пра самі славутасці, вуліцы, архітэктурныя аб’екцы або ансамблі, так і пра цікавыя моманты з іх гісторыі. У цэнтральнай частцы горада таксама ўсталёўваюць на дамах шыльды з гістарычнымі назвамі вуліц.

Папулярнасць Гродна ў замежных турыстаў расце. У парку «Аўгустоўскі канал», уключаючы Гродна і наваколлі, з 26 кастрычніка дзейнічае бязвізавы рэжым. Без візы госці могуць уехаць на тэрмін да пяці сутак на тэрыторыю парку і прылеглыя населеныя пункты Гожскага, Капцёўскага, Адэльскага, Падлабенскага, Сапоцкінскага сельскіх саветаў Гродзенскага раёна і горад Гродна. З пачатку дзеяння бязвізавага рэжыму рэгіён наведалі амаль 9 тыс. іншаземцаў з 36 краін.

[irp posts="8336″ name="Для турыстаў і гродзенцаў. Дзе ў Гродне абмяняць грошы пасля 19.00?"]

Падзяліцца

Апошнія запісы

«Высокая небяспека для грамадства». У Іўі за падпіскі аштрафавалі пастыра

За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…

18 мая 2024

Натарыус адмовіўся рабіць даверанасць для гродзенца са спісу «тэрарыстаў». Той паскардзіўся ў суд

Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…

17 мая 2024

У актывісткі страйкама з Гродна на радзіме арыштавалі маёмасць

На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…

17 мая 2024

Дзяўчынку, якая выпала з атракцыёна ў Лідзе, перавялі з рэанімацыі ў траўматалогію. Што з ёй зараз?

Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…

17 мая 2024

Ва ўдзельнікаў святкавання Дня Волі за мяжой абяцаюць забраць маёмасць у Беларусі

Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…

17 мая 2024

Новы будынак у цэнтры Гродна — пад Новым замкам — адбудуюць паводле гістарычнага выгляду

Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…

17 мая 2024