Ураджэнец Гродна Вадзім Фралоў скарыў самы высокі пункт Аўстраліі і Акіяніі - піраміду Карстэнс і паставіў там сцяг Беларусі, паведамляе БЕЛТА са спасылкай на АНТ. На рахунку гродзенца гэта ўжо чацвёрты пік з галоўнай праграмы альпіністаў «Сем вяршыняў» — заваяванне найвышэйшых кропак усіх шасці кантынентаў.
Піраміда Карстэнс — самая экзатычная вяршыня Аўстраліі і Акіяніі. Узыходзіць групе, у складзе якой быў беларус, прыйшлося ў вельмі небяспечнай абстаноўцы. Праціўнікам альпіністаў было не толькі надвор’е (высокая вільготнасць і перапады тэмператур), але і складаная абстаноўка ў правінцыі Папуа: мясцовыя папуасы-бандыты ваююць з паліцыяй і насельніцтвам.
З-за небяспекі нападу да падножжа піраміды альпіністаў дастаўлялі верталётам. Таму яны і вырашылі адмовіцца ад акліматызацыі. Звычайна на гэта трацяць да трох дзён.
На піку вышынёй у 4 884 м Вадзім Фралоў разгарнуў сцягі Беларусі і Гродна. У той дзень, акрамя беларускага, на піку былі яшчэ два сцягі: расійскі і ўкраінскі.
Галоўная мара для Вадзіма Фралова цяпер — Эверэст. Ён хоча падняцца вышэй «зоны смерці» — 8 тыс. метраў над узроўнем мора. У цяперашняй экспедыцыі беларус пазнаёміўся з людзьмі, якія накрываюць саванамі цела калісьці загінулых на схілах Эверэста альпіністаў. Многія ляжаць на маршруце больш за 20 гадоў. Аддаць даніну памяці гэтым, можа быць, неразумным, але,
безумоўна, смелым людзям Вадзім Фралоў хоча і ад усіх беларусаў.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…