Вясна ў лютым: Гроднааблгідрамет распавёў, што было не нармальна з кліматам у мінулым годзе

Вясна прыйшла на месяц раней за свой тэрмін, восень адзначылася празмернасцю ападкаў, а зіме не хапала снегу. У Гроднааблгідрамеце распавялі «Перспектыве», якім выдаўся 2017-ы для Гродзеншчыны.

То ў жар, то ў холад

Сярэдняя гадавая тэмпература паветра склала 7,7 градуса, што на 0,9 градуса вышэй за кліматычную норму. Кожная пара года мела свае асаблівасці.

Больш за ўсё сюрпрызаў паднесла зіма. Мала таго, што снежнае покрыва ўсталявалася са спазненнем, дык яшчэ і снег сышоў раней, чым звычайна. Хоць тут як каму пашанцавала. Напрыклад, калі ў Наваградку снег залёг 27 лістапада, у Ашмянах — 27 снежня, то на астатняй тэрыторыі толькі ў пачатку студзеня. Але ўжо 26 лютага цалкам сышоў. Звычайна такое адбываецца на тры тыдні пазней. Праўда, зіма яшчэ нагадвала пра сябе: снег выпадаў у сакавіку, па паўночным усходзе вобласці - у сярэдзіне красавіка і нават у траўні.

Вясной таксама «штарміла»: кідала то ў жар, то ў холад. Кліматычная вясна прыйшла на Гарадзеншчыну 17−18 лютага, што на 3−4 дэкады раней, і апынулася на 2 градусы цяплей за норму. Нямала сюрпрызаў паднёс сакавік. Па-першае, быў дажджлівым: ападкаў у сярэднім выпала 63 мм (гэта 170 працэнтаў ад нормы). Такія сакавікі бываюць раз у 10 гадоў. Па-другое, першы месяц вясны апынуўся на 6 градусаў цяплейшым, што адзначаецца раз у 18 гадоў, падзялілася інфармацыяй інжынер-сіноптык Гроднааблгідрамета Алена Звалімбоўская. У траўні, наадварот, ападкаў не хапала. Іх выпала ўсяго 25 мм (норма 60 мм). Такі і больш сухі сакавік бывае вельмі рэдка: за перыяд назіранняў з 1945 года назіраўся ўсяго два разы — ў 1947 і 1971 гадах. У той жа час гэты месяц адзначыўся і нізкімі тэмпературамі: фіксаваліся слабыя замаразкі ў паветры і на глебе. У асобныя дні тэмпература паветра апускалася да -6.

Заявіў пра сябе і красавік. У першыя дні месяца паветра прагравалася да +23 градусаў, а ў другой палове максімум да +9, у сярэдзіне красавіка днём слупок тэрмометра і зусім паказваў не больш +3 градусаў, а ноччу ў асобных раёнах апускаўся да -6.

«Мокрая» восень

Лета было звычайным: тэмпература і колькасць ападкаў каля кліматычнай нормы. Хоць і тут не абышлося без адхіленняў. У прыватнасці, у пачатку чэрвеня паветра выхалоджвалася да + 2 … + 3 градусаў, паверхня глебы астывала да нуля, а на вышыні двух сантыметраў ад глебы нават адзначаліся замаразкі да -2. Былі і небяспечныя з’явы: у Наваградку прайшоў вельмі моцны лівень — за 12 гадзін выпала 57 мм ападкаў пры дэкаднай норме 34 мм, а ў Ашмянах назіраўся моцны вецер з парывамі 24 м / с.

Восень вызначылася багаццем ападкаў - выпала паўтары сезоннай нормы. Празмернасць адзначалася ў верасні і кастрычніку, калі выпала 1,5−2 месячнай нормы ападкаў. Такі «мокры» верасень бывае раз у 7 гадоў, а кастрычнік яшчэ радзей — раз у 14 гадоў, рэзюмавала Алена Звалімбоўская.

Ваш диплом был утерян? Или у вас есть все необходимые знания и опыт, но нет диплома? Приобретите его на GosVus. Пускай никакие помехи вас не остановят.