Гарадскія службы ўжо некалькі дзён ачышчаюць Гараднічанку і яе берагі ў ваколіцы вуліцы Рабочай. Гэтую вуліцу часта падтапляе ў перыяд моцных дажджоў. Плануецца, што рабочыя пашыраць рэчышча ракі і прыбяруць усе перашкоды на яе шляху, каб пазбегнуць падтапленняў прыватных дамоў у будучыні.На думку мясцовых жыхароў, праблемы з ракой пачаліся пасля апошняй рэканструкцыі цэнтра горада і калектараў, якія пастаянна забіваюцца смеццем. Некалькі гадоў таму горад спрабаваў разабрацца ў праблеме: службы нават разбілі стары мост, спадзяючыся, што менавіта ён і ёсць галоўная перашкода для ракі. Але гэта праблему не вырашыла.
Зараз рабочыя пілуюць дрэвы ўздоўж Гараднічанкі, а ў бліжэйшыя дні супрацоўнікі «Рэмбудаўтадора» пачнуць цалкам разбіраць мост, які быў пабудаваны ў 1943 годзе.
Магчыма, некаторыя старыя пабудовы пойдуць пад знос з-за пашырэння ракі. Жыхары аднаго з дамоў на Рабочай ужо атрымалі ўзамен кватэры ў новым мікрараёне горада.
Аказваецца, дамы на Працоўнай яшчэ з 1973 года плануецца знесці. Жыхарам нельга рабіць капітальны рамонт, прыбудовы, а таксама рэгістраваць людзей. Яшчэ ў савецкі час, са слоў жыхароў, планавалася, што ля ўпадзення ракі ў Нёман зробяць дамбу, а пасля зносу затопяць вуліцу і зрабяць зону адпачынку — возера аж да Віленскай вуліцы. Гэты план, як і план з дублёрам вуліцы Вялікай Траецкай, ніхто так і не рэалізаваў.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…