Дазволенае гарадскімі ўладамі свята з нагоды 100 гадоў БНР павінна прайсці 25 сакавіка ў Каложскім парку. Але напярэдадні некаторыя навучальныя ўстановы забараняюць сваім навучэнцам з’яўляцца ў гэтым месцы ў дзень мерапрыемства.
Чытачы Hrodna.life паведамлялі аб незапланаваным праглядзе фільма ў Гродзенскім прафесійным тэхналагічным каледжы ў нядзелю 25 сакавіка.
Незадаволенасць у гродзенцаў выклікала рассылка для настаўнікаў у школе № 26, у прыватнасці ад Вольгі Пагрэбневай.
Свае дзеянні Вольга пракаментавала так: «Калі дзеці ідуць туды з сем’ямі, за іх адказваюць бацькі. А калі непаўналетнія ідуць адны — за іх адказвае школа! Парадокс, але так ёсць».
Чарговую рассылку нам даслалі з універсітэта імя Янкі Купалы. Там вызначылася выкладчыца Вольга Зубрык. Нашых чытачоў уразілі яе словы: «Не станьте пушечным мясом и чьей-то мишенью». Што мела на ўвазе Вольга, даведацца не ўдалося. Можа, яна нешта ведае? Сваю рассылку прадстаўнік універсітэта ніяк не пракаментавала.
Арганізатары свята з нагоды 100 гадоў БНР у Гродне рэагаваць на такое дзеянне навучальных устаноў ніяк не сталі. Яны адзначылі, што такія ўкіды на само мерапрыемства ў горадзе не паўплываюць.
Акрамя гэтага ў Гродзенскім гісторыка-археалагічным музеі не адкрылася запланаваная выстава з нагоды 100 гадоў БНР. Ва ўніверсітэце імя Янкі Купалы адкрыты круглы стол стаў закрытым: толькі для абраных выкладчыкаў і зусім без студэнтаў.
Таксама нашы чытачы паведамляюць, што адменена запланаванае мерапрыемства, прысвечанае БНР, у Навагрудскім краязнаўчым музеі. «Навагрудак стаў бадай адзіным горадам, дзе на 25 сакавіка ўсё адмянілі па ініцыятыве зверху. Мела быць невялікая лекцыя, потым літаратурныя чытанні, музыка і г. д., але 23 сакавіка ўдзельнікаў паінфармавалі, што мерапрыемства забаранілі, а замест яго будуць паказваць фільм «Навагрудак у 1931 годзе», — напісалі нам нашыя чытачы.
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…