Да канца 2018 года ва ўсіх цягніках беларускай чыгункі можна будзе падзараджаць гаджэты. Праўда — за грошы.
Пакуль у вагонах гродзенскіх цягнікоў зараджаць прылады нельга. А ў некаторых цягніках Магілёўскага вагоннага ўчастка новую паслугу па падзарадцы электронных прылад укараняюць з 2017 года. У начальніка цягніка ёсць мабільная зарадная прылада тыпу PowerBank, якую даюць па замовах пасажыраў. Ёй скарысталіся 1090 чалавек. Цяпер такую ж паслугу ўкараняюць ва ўсіх цягніках, дзе ёсць вагоны, не абсталяваныя разеткамі.
Як піша «Еўрарадыё», гадзіна падзарадкі каштуе 1 рубель 10 капеек.
Пачынаючы з 2008 года Беларуская чыгунка закупляе пасажырскія вагоны, электра- і дызель-цягнікі, абсталяваныя 220V разеткамі для пасажыраў.
«За 10 гадоў ва ўсіх новых вагонах, а таксама тых, якія прайшлі капітальна-аднаўленчы рамонт, можна бясплатна падзарадзіць мабільныя прылады. У той жа час, паколькі тэрмін службы пасажырскага вагона складае 28 гадоў, на чыгунцы эксплуатуецца досыць шмат вагонаў выпуску раней 2008 года, дзе пасажырам не даступныя разеткі 220 V», — растлумачылі БЕЛТА ў прэс-цэнтры БЧ.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…