Гродзенка Святлана Самойленка прапанавала трансляваць вершы і ўрыўкі з празаічных твораў у салонах аўтобусаў і тралейбусаў. Гродзенскі гарвыканкам ідэю не прыняў - проза доўгая, характары і густы пасажыраў розныя, абраныя вершы могуць спадабацца не кожнаму.
Творы Святлана прапаноўвае абіраць як вядомых пісьменнікаў, так і пачаткоўцаў, у тым ліку і гродзенцаў, а мова можа быць і беларуская, і руская.
На думку ж прадстаўнікоў гарадской выканаўчай улады, з рэалізацыяй задуманага ёсць складанасці - інтэрвал паміж прыпынкамі занадта кароткі, каб сумяшчаць гукавыя ролікі з назвай гэтага і наступнага прыпынкаў, нумарам маршрута, напамінам пра аплату праезду з літаратурнымі творамі.
«Трансляцыю вершаў і урыўкаў з празаічных твораў лічым нематазгоднай, так як могуць з’явіцца скаргі з боку пасажыраў. Грамадскім транспартам карыстаюцца людзі з рознымі характарамі і настроем, не кожнаму можа спадабацца запрапанаваны да праслухоўвання твор» — адказалі ў лісце Святлане.
Яна таксама прапанавала даваць кароткую гістарычную даведку пра назву прыпынкаў, якія аб’яўляюцца. Гэту ідэю гарвыканкам прапанаваў разгледзіць аўтобуснаму і тралейбуснаму ўпраўленням.
Святлана адказам расчараваная. Кажа, што хацела зрабiць прыемнае для гараждан i гасцей горада, далучыць iх да скарбаў беларускай i сусветнай лiтаратуры, паспрыяць духоўнаму росту, асабліва моладзi, і можа нават адкрыць таленавітых маладых паэтаў сярод гродзенцаў.
«Мы ж жывем ў такой шэрай будзённасцi. Хочацца падняцца над гэтай шэрасцю,» — кажа Святлана.
[irp posts="61 288″ name="Быў паэтам, стаў рэперам. Правілы жыцця Віталя Рыжкова"]
За ўвесь час, колькі ідзе адбудова Любчанскага замка, у ім аднавілі частку абарончых сцен і…
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…