«Мы б купілі канапу, але навошта?"Як антыкавярня ў Гродне ўкараняе элементы «зялёнага» офіса

У Цэнтры адпачынку і развіцця «Партал» збіраюць батарэйкі, выкарыстоўваюць кубкі замест пластыкавых шклянак і падтрымліваюць міжнародную акцыю «Гадзіна Зямлі». Па незвычайнай прасторы прагуляўся «Гродзенскі Зялёны партал».

— Уся экалагічнасць зыходзіць з рацыянальнасці і эканамічнасці, — кажа стваральнік антыкавярні Іван Пятушок. — Напрыклад, выкарыстоўваць кубкі зараз экасяброўскі трэнд. А шмат кампаній кажа: мы палічылі, што пластыкавыя шклянкі - гэта дорага, кубкі танней.

У «Партале» выкарыстоўваюць шматразовы посуд. На сценах вісяць налепкі, якія распавядаюць пра энергазберажэнне і перавагу ровараў. Каб велааматарам было зручней, супрацоўнікі і валанцёры «Партала» ўманціравалі каля антыкавярні ўласную велапаркоўку.

У антыкавярні асобна збіраюць паперу, пластыкавыя крышкі і батарэйкі. Замест лістоў выкарыстоўваюць дошку. Тут імкнуцца менш друкаваць і выкарыстоўваюць чарнавікі. Асвятляюць «Партал» святлодыёднымі лямпамі, якія служаць даўжэй.

— Зараз экалагічнасць — гэта не перапрацоўка рэчаў, а максімальна доўгае выкарыстанне. У нас шмат б/у мэблі, якую нам проста аддавалі. Мы маглі б купіць канапу, але навошта, калі прасцей прывезці стары, чым купіць новы? Лаўкі і гадзіннік мы зрабілі самі. Старое люстэрка пафарбавалі і распісалі, як і старыя дзверы, — паказвае Іван.

Такім жа спосабам у антыкавярні з’явіўся акварыум, які суседзі Івана хацелі выкінуць. Нядаўна яму патэлефанавала супрацоўніца гродзенскага шклозавода, дзе разбіралі бібліятэку. Валанцёры адабралі лепшыя кнігі і арганізавалі ў «Партале» буккросінг.

Цікава, што ў Гродне паміж арганізацыямі ёсць «міграцыя» рэчаў. Напрыклад, крэсламі на мерапрыемствы абменьваюцца «Партал» і этнакрама «Цудоўня». «Мова наноў Гародня» бясплатна займаецца ў антыкавярні, наўзамен прадастаўляе праектар.

[irp posts="65 309″ name="А акуляры здымаць? На выпускным «Мовы Нанова» Віталь Гуркоў вучыў студэнтаў баксіраваць"]

У «Партале» праходзяць трэнінгі, майстар-класы, канцэрты, гульнятэкі, кінапрагляды. Цэнтр падтрымлівае акцыю «Гадзіна Зямлі» і прапагандуе здаровы лад жыцця. Безлімітныя знаходжанне тут каштуе крыху больш, чым келіх піва ў бары. А за гэтыя грошы можна наведаць канцэрт, пагуляць у настольныя гульні і развіць свае інтэлектуальныя здольнасці.

hrodna.life/2018/05/28/kumiryi-teatru-i-kino/

Падзяліцца

Апошнія запісы

«Высокая небяспека для грамадства». У Іўі за падпіскі аштрафавалі пастыра

За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…

18 мая 2024

Натарыус адмовіўся рабіць даверанасць для гродзенца са спісу «тэрарыстаў». Той паскардзіўся ў суд

Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…

17 мая 2024

У актывісткі страйкама з Гродна на радзіме арыштавалі маёмасць

На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…

17 мая 2024

Дзяўчынку, якая выпала з атракцыёна ў Лідзе, перавялі з рэанімацыі ў траўматалогію. Што з ёй зараз?

Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…

17 мая 2024

Ва ўдзельнікаў святкавання Дня Волі за мяжой абяцаюць забраць маёмасць у Беларусі

Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…

17 мая 2024

Новы будынак у цэнтры Гродна — пад Новым замкам — адбудуюць паводле гістарычнага выгляду

Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…

17 мая 2024