Сяргея Раўнейку затрымалі за вымагальніцтва і атрыманне хабару ў памеры 200 тысяч долараў, паведамляецца на сайце КДБ Беларусі. Цяпер ён у «амерыканцы» дае прызнальныя паказанні.
Аператыўна-вышуковыя мерапрыемствы ў дачыненні да памочніка прэзідэнта паручыў правесці сам кіраўнік дзяржавы.
У поле зроку аператыўных падраздзяленняў Сяргей Раўнейка трапіў больш за год таму. Тады з’явілася інфармацыя пра неаднаразовыя факты атрымання хабараў ад розных асобаў за вырашэнне пытанняў, якія ўваходзяць у яго кампетэнцыю, паведамляе прэс-служба КДБ.
З санкцыі Кіраўніка дзяржавы праведзены аператыўна-вышуковыя мерапрыемствы па дакументаванні супрацьпраўнай дзейнасці службовай асобы. Пры атрыманні чарговага хабару ён затрыманы з грашыма ў руках.
У дачыненні да Сяргея Раўнейкі Камітэтам дзяржаўнай бяспекі ўзбуджаная крымінальная справа па ч. 3 арт. 430 КК Беларусі, санкцыя якой прадугледжвае пазбаўленне волі тэрмінам да 15 гадоў.
Падазраваны змешчаны ў СІЗА КДБ Беларусі і дае прызнальныя паказанні.
Цяпер праводзяцца неабходныя аператыўна-вышуковыя і следчыя дзеянні, накіраваныя на ўсталяванне ўсіх фактаў і ўдзельнікаў супрацьпраўнай дзейнасці.
Сяргей Раўнейка быў прызначаны на пост памочніка прэзідэнта амаль тры гады таму, улетку 2015 года.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…