Гродзенцу Яўгену Пятрову 33 гады і ў яго ёсць незвычайнае хобі. Кожны дзень ён выязджае ў цэнтр Гродна, каб пакатацца на заднім коле ровара. Яўген нават паспеў паставіць уласны рэкорд — праехаў «на дыбах» усю Савецкую вуліцу.
Выконваць трукі на веласіпедзе хочуць навучыцца многія яшчэ з дзяцінства. Аднак, гэта патрабуе навыкаў і часу. Гэтак, Яўген захапляецца яздой на заднім коле ровара два гады.
«Мой рэкорд на адным коле — уся Савецкая вуліца. Атрымліваецца зрабіць гэта, калі ёсць пэўны запал, драйв, удача і калі мала людзей на вуліцы. Каб пераадолець такую адлегласць трэба шмат трэніравацца», — распавядае Яўген.
Катаецца ён штодзённа на звычайным горным ровары. «Гэта маё хобі, — распавядае мужчына. — Ёсць у Гродне хлопцы, якія заскакваюць на высокія перашкоды на велатрыяле, гэта мне падабаецца, але крыху не для мяне. Я не магу быць у адным месцы, мне падабаецца ўсюды катацца і нешта выконваць».
Ёсць два варыянты язды на заднім коле ровара: уілі (англ. «wheelie»), пры якім рух на адным коле ажыццяўляецца праз кручэнне педаляў, і сёрф, у якім ездзяць без удзелу педаляў, а толькі за кошт папярэдне набранай хуткасці.
«Я аддаю перавагу ўілі, мне гэты стыль больш зручны. Людзі да ў цэнтры да мяне ставяцца ў асноўным станоўча. Напэўна, хтосьці палохаецца, калі бачыць, што чувак нясецца на вялікай хуткасці і пры гэтым на адным коле. Узнікаюць пытанні: а ці здолее ён утрымаць кантроль на ровары? Магу ўсіх супакоіць: я вельмі добра кантралюю ровар і ніколі не ўрэзаўся ў людзей».
Удзельнічаць у якіх-небудзь спаборніцтвах Яўген пакуль не плануе.
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…