9 верасня 2018 — апошні працоўны дзень гіпермаркета «АЛМІ» ў Гродне. Першы ў горадзе гіпер закрываецца на вялікі рамонт. Журналіст Hrodna.life наведаў краму ў апошнія гадзіны працы.
Адным з апошніх кліентаў стаў вядомы радыйны вядучы Уладзімір Хоміч. Ён ведаў, што «АЛМІ» чакае рэбрэндынг, але не ведаў, што ён будзе цалкам закрывацца.
«Я думаў, што яны будуць працаваць у штатным рэжыме, зменяць назву, нешта перасунуць-пераставяць. Ды і аб тым, што сёння — апошні працоўны дзень, даведаўся выпадкова», — кажа Уладзімір. Апошнім пакупніком ён быць не планаваў.
[irp posts="79 603″ name="Пустыя паліцы, шмат людзей і распродаж. Як выглядае першы гіпермаркет Гродна перад закрыццём"]
Звычайна Уладзімір прыязджаў сюды за хлебабулачнымі вырабамі. «Сёння я як і заўжды хацеў набыць свежы хлеб. Надта мне падабаецца мясцовая выпечка. Тут заўжды ёсць што выбраць. Дакладней, было, але ўжо не сёння. Некалькі хвілін хаджу з пустым кошыкам і не ведаю, што выбраць».
Валянціна Цімафееўна жыве непадалёку і ведала, што сёння — апошні дзень працы крамы.
«Я была вельмі задаволеная, што побач з домам ёсць такая крама», — кажа яна. Асабліва падабалася гатовая прадукцыя, бо гэта зручна для пенсіянераў у сталым узросце.
У апошні працоўны дзень «АЛМІ» Валянціна набыла некалькі кансерваваных прадуктаў і сурвэткі. «Але гэта яшчэ не ўсё», — дадала яна і працягнула пакупкі. Жанчына спадзяецца, што ўлюбёная крама пасля «перабудовы» стане яшчэ лепшай.
Вольга прыехала ў гіпермаркет, каб зайсці ў краму джынсавага адзення Levi’s — там таксама быў распродаж з нагоды закрыцця.
«У сам „АЛМІ“ зайшла хутчэй каб пацікавіцца, што тут і як выглядае», — кажа Вольга. Калісьці, у 2008 годзе, Вольга сама працавала ў гэтай краме. «Я бачыла, як выгляде гіпермаркет перад адкрыццём, а вось перад закрыццём не, таму і зайшла паглядзець». У апошні дзень працы першага гродзенскага гіпермаркета яна набыла цукеркі «Kit-Kat».
Гіпермаркет «АЛМІ» на праспекце Касманаўтаў адкрыўся 12 верасня 2008 і стаў першым гіпермаркетам не толькі для нашага горада, але і для самой сеткі.
[irp posts="79 857″ name="Гродна 10 гадоў з гіперамі: ад самага адсталага горада да самага буйнога гандлёвага цэнтра"]
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…