Як развіваць рэгіёны, чым гродзенскі рэгіён адрозніваецца ад іншых, колькі IT-спецыялістаў тут працуе і чаму Гродна гэта самы канкурэнтаздольны беларускі горад пасля сталіцы — гэта абмяркоўвалі ўдзельнікі рэгіянальнай канферэнцыі KEF. У ёй удзельнічалі эксперты, навукоўцы, прадстаўнікі бізнесу і ўладаў.
Назва канферэнцыі - «Рэгіёны Беларусі: ад аднаўлення росту да развіцця канкурэнтаздольнасці». Дарэчы, Гродна і вобласць у плане канкурэнтаздольнасці сёння сярод лідараў, саступаючы толькі Мінску і Мінскай вобласці. Так, паводле Індэксу канкурэнтаздольнасці, які разлічвае даследчы цэнтр ІПМ, Гродна мінімальна адстае ад сталіцы. Таксама Гродзенскі рэгіён займае трэцяе месца ў краіне паводле ўзроўню ВУП на душу насельніцтва, саступаючы толькі Мінску і вобласці.
Сваю ролю ў эканамічным развіцці Гродзенскай вобласці грае наяўнасць межаў з дзвюма краінамі ЕС, кажа дырэктар Даследчага цэнтра ІПМ Аляксандр Чубрык. Гэта мае свае плюсы і мінусы.
«Прыгранічны бізнес — гандаль — хоць і не заўжды з’яўляецца легальным, пазітыўна адбіваецца на развіцці рэгіёну і дабрабыце яго жыхароў. Бо нават такая дзейнасць як кантрабанда для пэўнай часткі жыхароў рэгіёну — жыццёвая стратэгія і спосаб зарабіць грошай, хай і не зусім легальным шляхам. Гэта «бізнес на грані фолу».
[irp posts="84 018″ name="Меркаванні гродзенцаў: каб быць багатым — трэба мець сувязі і багатых бацькоў"]
Па выніках даследаванняў, якія прэзентавалі на KEF у Гродне, жыхары вобласці перакананыя, што каб стаць багатым — трэба каб былі сувязі і каб проста шанцавала. «Чым гэта не партрэт кантрабандыста?» — пытаецца Чубрык.
Ён адзначае, што для Гродзеншчыны рынкі ЕС больш даступныя, чым для ўсходніх рэгіёнаў. «Гэта большае разуменне рынкаў нават на банальным узроўні - разумення мовы і культуры. Таму калі ты працуеш тут, але на еўрапейскі рынак, гэта дае неблагія магчымасці ў бізнесе».
З іншага боку, блізасць да ЕС гэта выклік для рэгіёну. «Шмат людзей тут маюць Карту паляка, таму шмат людзей проста з’ехала, шмат хто працуе там і вяртаеццца, частка проста назірае за каньюнктурай і калі яна пагоршыцца, то гэтыя людзі лёгка могуць падняцца і з’ехаць».
Гэта вялікія рызыкі і ключавая задача рэгіёна, паводле Аляксандра, — пазбавіцца ўцечкі мазгоў.
Адзін з моцных бакоў Гродна — сфера IT. Восенню 2014 года з’явілася дарожная мапа па стварэнні філіялу Парку высокіх тэхналогій у Гродне. У рэканструкцыю будынкаў на Горкага, 1, дзе да 2009 года была вайсковая частка пагранкамітэту, ПВТ уклаў 3,5 мільёны долараў. Сёння ў гродзенскім ПВТ 14 кампаній-рэзідэнтаў, пяць з якіх зарэгістраваны ў Гродне.
У гродзенскім ПВТ працуе каля 1500 чалавек, іх сярэднемесячны заробак складае 2100 долараў. Яшчэ каля 500 ІТ-шнікаў у Гродне працуе ў фірмах па-за ПВТ. Агулам у горадзе каля 2000 праграмістаў. Гродна гэта адзіны горад у Беларусі, апроч Мінска, дзе ёсць філіял ПВТ.
Канферэнцыя арганізаваная Даследчым цэнтрам ІПМ пры фінансавай падтрымцы Еўрасаюза. Мясцовым партнёрам з’яўляецца ўстанова «Цэнтр дадатковай адукацыі дарослых «Студыя карысных кампетэнцый».
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…