Сёлетняя восень багатая на кінафестывалі. Прайшоў Cinema Perpetuum Mobile, наперадзе «Паўночнае ззянне». І яшчэ ёсць тры дні, каб наведаць фестываль дакументальнага кіно Watch Docs.
Watch Docs — міжнародны фестываль дакументальнага кіно на тэму правоў чалавека. Гэта адзін з самых старых і самых вялікіх фестываляў дакументальнага кіно ў свеце. У Гродне ён праходзіць з 18 па 21 кастрычніка — сёлета гродзенцы пабачаць стужкі раней за сталічных жыхароў.
Распачаўся фестываль «смешнай» дакументалкай «Белы Свет Вачыма Даліборэка» пра жыццё чэшскага неанацыста. Ён «добры хлопец з дрэннымі поглядамі», як называе яго маці. Даліборэк шчыра верыць, што вайну з Трэцім Рэйхам распачало Міжнароднае жыдоўства. Здымае ролікі, на якіх спявае нацыскія песні на фоне сцяга з кельцкім крыжам і не напраўду забівае людзей. Пратэстуе супраць бежанцаў, хоць нармальна камунікуе з калегам-цыганам. А пасля на экскурсіі ў Асвенціме даведваецца, што сярод яго продкаў таксама былі габрэі, і пераасэнсоўвае жыццё.
Праграму фестывалю ў Гродне глядзіце тут. Уваход на ўсе кінапрагляды бясплатны. Запланаваны шэраг дыскусій і сустрэчаў з рэжысёрамі.
Гэтак, на другі дзень фестывалю пасля прагляду кіно «Наш новы прэзідэнт» прайшла дыскусія пра фенамен фэйк-нюс з удзелам галоўнага рэдактара Hrodna.life Аляксея Шоты і рэдактаркі спецпраектаў сайта Ірыны Новік. Ірына якая назірала за прэзідэнцкімі выбарамі ў Штатах 2016 года непасрэдна, будучы там у камандзіроўцы, таму магла расказаць пра тое, ці адчуваўся ўплыў фэйкаў непасрэдна на месцы.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…