Раніцай 17 красавіка стала вядома, што на пагорку Бернардынскага касцёла не будзе надпісу «Ленінскі раён». Пра гэта Hrodna.life распавялі ў «Зелянбудзе».
Вядома, што для ўмацавання схілу, на якім стаіць касцёл, з’явяцца толькі хмызнякі казацкага ядлоўца. Іх пачнуць высаджваць у бліжэйшы час.
17 красавіка сітуацыю з надпісам пракаментавала і гродзенская рымска-каталіцкая дыяцэзія.
— Тэрыторыя Пабернардынскага ўзгорка не належыць Рыма-каталіцкаму Касцёлу, таму мы не маем ніякага ўплыву на склаўшуюся сітуацыю і не можам адказваць за ландшафтны дызайн, якім займаецца «Зелянбуд». З кіраўніцтвам Гродзенскай дыяцэзіі рашэнне аб стварэнні жывога надпісу «Ленінскі раён» на схіле ўзгорка не ўзгаднялася. Мяркуем, што дадзеная ініцыятыва псуе знешні выгляд гістарычнага цэнтра горада. Надпіс таксама будзе адцягваць увагу не толькі мясцовых жыхароў, але і шматлікіх турыстаў ад знакавага месца, якім з’яўляецца найстарэйшая святыня горада — касцёл Адшукання Святога Крыжа.
Супрацоўнікі «Зелянбуда» з 15 красавіка на ўзгорку Бернардынскага касцёла пачалі ствараць вялікі надпіс «Ленінскі раён»: літары мелі высадзіць з хмызнякоў. Падобны надпіс «Кастрычніцкі раён» меў з’явіцца на адхоне па вуліцы Дарвіна на другім беразе Нёмана.
Петыцыю за адмену рашэння аб стварэнні жывых надпісаў «Ленінскі раён» і «Кастрычніцкі раён» стварылі гродзенцы 16 красавіка. Аўтары збіраюць подпісы каб перадаць петыцыю ў гарвыканкам. Менш чым за суткі петыцыю падпісалі больш за 800 чалавек.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…