19 лютага ў Гродне дэмантавалі помнік Чапаеву для рамонту. У красавіку стала вядома, што яго не вернуць на пастамент. Расійскае ІА Чырвоная Вясна зрабіла запыт у МЗС РФ. Яны адказалі 13 мая, што дэмантаж бюста народнага героя Грамадзянскай вайны В. І. Чапаева ў Гродне не з’яўляецца «барацьбой з савецкімі манументамі».
У МЗС Расіі адзначылі, што старанна адсочваюць падзеі ў замежных краінах, звязаныя са спробамі перапісаць гісторыю, каб дагадзіць сваім кан’юнктурным інтарэсаў, сцерці з народнай памяці сапраўдных герояў мінулага і ўключаюць такія дзеянні як дэмантаж помнікаў, перайменаванне вуліц і іншыя. Таксама ў знешнепалітычным ведамстве адзначылі, што для Беларусі «падобныя праявы не характэрныя, нягледзячы на асаблівае меркаванне па шэрагу гістарычных сюжэтаў».
«МЗС Расіі і Пасольства Расіі ў Мінску звярнулі ўвагу на факт дэмантажу бюста народнаму герою В. І. Чапаеву ў Гродне. Адзначылі негатыўнае ўспрыманне таго, што адбылося з боку гродзенцаў, асабліва старэйшага і сярэдняга веку, а таксама расійскіх суайчыннікаў», — растлумачылі ў ведамстве.
«23 красавіка с. г. супрацоўнік расійскага Пасольства сустрэўся з прадстаўнікамі Гродзенскага абласнога выканаўчага камітэта. У ходзе гутаркі дадзены тлумачэнні, што помнік сапраўды дэмантаваны для правядзення рэстаўрацыйных работ і па іх заканчэнні яму будзе знойдзена годнае месца ў адным з гарадскіх музеяў. Акрамя таго, атрыманы запэўненні, што прынятыя меры не з’яўляюцца „барацьбой з савецкімі манументамі“, паколькі пераважная большасць савецкіх назваў тапанімічных аб’ектаў як у сталіцы, так і ў іншых населеных пунктах Беларусі не мяняліся апошнія 25 гадоў», — заявілі ў МЗС РФ.
Таксама ў МЗС падкрэслілі, што працягваюць сачыць за далейшым развіццём падзей і трымаць гэтае пытанне на кантролі.
Касцёл святога айца Піа плануюць пабудаваць у Гродне ў новым мікрараёне Грандзічы на рагу вуліц…
Вытворчы кааператыў імя Крамко з 10 студзеня па 29 лютага прадаваў гародніну і садавіну —…
Жыхарка Астраўца паслізнулася на прыступках крамы "Хіт! Экспрэс". У яе знайшлі расцяжэнне, разрыў і перанапружанне…
Гродзенскі гарвыканкам адказаў гараджанам, якія збіралі подпісы за ўстаноўку помніка Васілю Быкаву ў Гродне. Адказ…
З пачатку 2024 года 23 гродзенцам выдалі субсідыю на адкрыццё прадпрымальніцкай дзейнасці. Часцей за ўсё…
Колькасць укусаў кляшчоў сёлета павялічылася на 24% у параўнанні з аналагічным перыядам 2023 года. Паразітаў…