У Шчучынскім раёне каваль Армэн Васільян сам сабраў машыну з розных частак аўто іншых марак. Гэта хутчэй і машына, і трактар у адным, піша dzyannica.by. Майстар працаваў два гады, але не спыняе удасканальваць сваё стварэнне.
У невялікай вёсцы Староўшчына Дэмбраўскага сельсавета пра таленавітага каваля і яго захапленне ведаюць усе, а вось варта выехаць у горад — цікаўныя гараджане не даюць праходу.
— Ехаў сёння па трасе М6, польская фура сігналам папрасіла спыніцца, — расказвае майстар. — Як жа тут не дазволіць чалавеку зрабіць фота?
Да транспартнага сродка ў супрацоўнікаў ДАІ няма пытанняў. Тэхніка вось ужо пяць гадоў, як зарэгістраваная і мае свой нумарны знак. Пад капотам -75 конскіх сіл, расход на 100 кіламетраў каля 6 літраў. Цуда-тэхніка сабраная з частак розных аўтамабіляў: рухавік — ад «Жыгулёў», руль — ад «Фольксвагена», рулявое — ад «Масквіча», рулявая калонка — ад «Мэрсэдэса», скрынка перадач — ад «Аўдзі», ёсць і дэталі ад трактара.
З цюнінгу — легендарны храмаваны алень, клаксон з «Волгі» ГАЗ-21 і многае іншае. З «фішак» — дзве скрынкі перадач, ёсць запаволены і павышаны ход. У дадатак да аўто ў майстра ёсць шмат розных агрэгатаў, якія ён таксама сам зрабіў.
Тэхніка выклікае сапраўдны ажыятаж. Армэн Васільян расказаў, што ў гэтым годзе паедзе на сваім жалезным кані ў Гродна на аўтафестываль Sun Day.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…