У час сустрэчы з заўзятарамі 28 мая кіраўніцтва «Нёмана» абвясціла, што ўваход на матч са «Славіяй», які пройдзе ў Гродне, будзе свабодным. Гульцы гродзенскай каманды гатовыя аплаціць кожны білет.
Такое рашэнне гродзенская каманда прыняла пасля буйнога паражэння ў Брэсце 6:1. Пра гэта сказаў на сустрэчы галоўны трэнер «Нёмана» Ігар Кавалевіч.
Сустрэча з заўзятарамі была арганізавана па ініцыятыве каманды. Пасля гульні ў Брэсце гродзенскую каманду пачалі абражаць у каментарах у сацыяльных сетках.
«Я не знаходжуся ў групах і не бачыў, што пісалі, таму мне цяжка нешта сказаць. Але калі мы хочам гуляць, то мы павінны рабіць гэта на сустрэчных курсах. Выканальніцкае майстэрства Брэста на дадзены момант самае высокае ў чэмпіянаце. Яны зрабілі 8 удараў у брамку і 6 забілі. І мы не закрыліся ў гульні. Да 35-й хвіліны мы павінны былі забіць 4 галы. Тры стоадсоткавыя моманты мелі. Але мы іх не рэалізавалі, а супернік здолеў гэта зрабіць. Я заўсёды адкрыты да заўзятараў і гатовы кожнага выслухаць, але не так як пішуць, не ведаючы сітуацыю знутры. Па Брэсце ў мяне па гульні і ў адносінах гульцоў менш за ўсё пытанняў. Так, ёсць пэўныя эпізоды.
Калі хтосьці дасьледуе футбол і глядзіць яго, то ён зразумее, што гэты від спорту ў Гродне перабудоўваецца. Якім ён быў, ззаду стаяць і адбівацца, і якім я яго хачу бачыць. Але каб дамагчыся выніку, мы павінны праходзіць праз спробы і памылкі з моцнымі супернікамі. І нікому я не дазволю ліць бруд на каманду, якая адносіцца да ўсяго шчыра. Я з іх запытаю. А яны выходзяць на гульню і гуляюць як мужыкі.
Скажу больш, мы адмаўляемся ад прэміяльных і гатовыя заўзятарам кампенсаваць уваходны квіток на матчы са «Славіяй». Уваход будзе для ўсіх бясплатным. Гэта будзе па-мужчынску. Мы са свайго заробку заплацім гэтыя грошы. Але, хачу сказаць, што гнабіць няма за што каманду", — сказаў на сустрэчы Кавалевіч.
Матч са «Славіяй» пройдзе ў Гродне 2 чэрвеня. Пачатак у 19:45. Пасля 9-ці тураў «Нёман» знаходзіцца на 8-м радку ў турнірнай табліцы і мае ў сваім актыве 13 ачкоў.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…