Працягваюцца абмеркаванні зменаў у ПДР. Новыя правілы, магчыма, дазволяць раварыстам не спешвацца на рэгуляваных пераходах, але толькі пры ўмове, калі ровар будзе ехаць з хуткасцю пешахода. Узнікае праблема ў выпадку ДТЗ: калі раварыст ехаў павольна, вінаваты кіроўца, а калі першы рухаўся з хуткасцю пад 30 км / г?
Новая фармулёўка ПДР гучыць так: «Пры перасячэнні праезнай часткі дарогі па пешаходным пераходзе, веласіпедыст павінен весці веласіпед побач з сабой. У іншых выпадках перасячэння праезнай часткі дарогі веласіпедыст мае права не спешвацца. Пры пад’ездзе да скрыжавання з праезнай часткай дарогі веласіпедыст павінен загадзя знізіць хуткасць руху і перасякаць яе з хуткасцю пешахода».
Апошняя фраза выклікала спрэчкі сярод аўтамабілістаў: у выпадку ДТЗ кіроўцу будзе складана даказаць сваю невінаватасць, піша onliner.by. Не раз агучвалася такое меркаванне: нават калі раварыст ехаў хутчэй за 5−6 км / г (сярэдняя хуткасць пешахода), выявіць гэта будзе вельмі складана. Відавочна, кіроўцу (напрыклад, пры правам павароце) цяжка заўважыць ровар, які едзе па ходніку з хуткасцю 30 км / ч і выязджае на пераход. Раварыст жа будзе ўпэўнены ў тым, што ён мае рацыю.
Вось відэапрыклад сітуацыі:
МУС апублікавала інтэрв'ю з прадстаўнікамі УДАІ. «Я праводзіла маніторынг таго, што ў большасці сваёй жадаюць нашы грамадзяне. Нават было такое пытанне: «А як мы будзем вызначаць хуткасць, калі раварыст пераязджае праезную частку нароўні з пешаходамі?» — заўважыла прэс-сакратар МУС РБ Вольга Чамаданава. — Гэта значыць, як вызначыць, з якой хуткасцю рухаецца веласіпедыст. Пешаходы ж таксама ідуць па-рознаму. На маё асабістае перакананне, не варта гэтак педантычна ўнікаць у гэты момант. Важна мець павагу адзін да аднаго: і пешаходу, і веласіпедысту — і ні ў якім разе не перашкаджаць. Веласіпедыст будзе рухацца, паверце, спакойна, каб не закрануць пешахода. Роўна як і пешаход, калі будзе паважаць веласіпедыста, не будзе перашкаджаць яму спакойна пераехаць дарогу «.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…