Напярэдадні фестывалю вулічных мастацтваў на пешаходнай Савецкай у Гродне стала прыкметна менш вулічных музыкаў. Міліцыя правярае дазволу на выступы. У каго няма — папярэджваюць і просяць больш не граць.
Праверкі пачаліся некалькі дзён таму. Музыкі кажуць, што гэта адбываецца з-за чарговых скаргаў ад мясцовых жыхароў.
Год таму на Савецкай таксама праходзілі праверкі, прычынай і тады былі скаргі гараджан у міліцыю. Тады ў аддзеле культуры Гродзенскага гарвыканкама распавялі Hrodna.life, што кожны вулічны музыка павінен атрымаць дазвол на выступы на пешаходнай вуліцы. Афіцыйна гэта нідзе не прапісана, але горад такім чынам хоча ўпарадкаваць працу вулічных музыкаў і пазнаёміцца з імі. Таму былі ўведзеныя такія правілы. Галоўная ўмова для любога музыканта — не жабраваць і не быць п’яным.
За апошнія дні некалькі чалавек ужо атрымалі дазвол на выступы на Савецкай.
У суботу 27 ліпеня на Савецкай будзе праходзіць VIII Біг-Міні-Фэст вулічнага мастацтва. Чакаецца каля 350 вулічных артыстаў з 7 краін. Сярод іх музыкі, танцоры, вулічныя тэатры, жывыя статуі, хадулісты, майстры фаер-шоу і іншыя.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…