У канцы ліпеня новыя ўладальнікі ўрачыста закрылі «Бардак» і пачалі рыхтавацца да адкрыцця новага бара — «Crazy Dog». У бары, здаецца, паспрабавалі ўлічыць інтарэсы ўсіх. Гэта месца без расізму, сэксізму, гамафобіі, з асобным мангалам для вегетарыянцаў і вольным уваходам для жывёл. Адкрыццё ўжо заўтра 2 жніўня.
Уладальнікі абяцаюць бясплатныя мангалы (асобны для вегетарыянцаў), каву на пяску, незвычайнае меню, стравы тыдня і пачастункі для хатніх жывёл. З алкаголю будзе свежае піва, аўтарскія настойкі, кактэйлі і шоты. Бавіць час можна будзе за dj-сэтамі (у тым ліку з еўрапейскімі dj-мi), выступленнямі музыкантаў і танцавальнымі майстар-класамі.
У бары будзе гучаць рок, панк і джаз. Па чацвяргах будуць граць кавер-групы, а ў выхадныя перыядычна будуць выступаць калектывы з арыгінальным рэпертуарам. Уладальнікі кажуць, што большасць вечарынак горада сталі аднастайнымі, занадта папсовымі і падобнымі адна да адной. У «Crazy Dog» абяцаюць альтэрнатыўны, канцэптуальны і незаезджаны музычны кантэнт. Напрыклад, у кастрычніку тут выступіць гурт «макулатура».
У бары адкрыты і да новых фарматаў. Плануюцца тэматычныя і танцавальныя вечарыны, але ўсіх падрабязнасцяў пакуль не раскрываюць.
У «Crazy Dog» плануюць займацца дабрачыннасцю, пачынаючы ад стандартных збораў і заканчваючы спецыяльнымі мерапрыемствамі. А яшчэ тут падтрымліваюць розныя ініцыятывы, таму некаторыя госці могуць разлічваць на зніжкі. Вы атрымаеце зніжку, калі размаўляеце па-беларуску, з’яўляецеся валанцёрамі для бяздомных жывёл, валанцёраў у Чырвоным Крыжы ці з’яўляецеся членамі АБФ («Актыўным быць файна»).
Яшчэ зніжкі будуць для матацыклістаў, для імяніннікаў і маладых, і для тых, хто растаўся са сваёй парай.
У бары абяцаюць спрыяць эмацыйнай і фізічнай бяспецы жанчын. Для іх на многія вечарыны ўваход будзе танней з-за розніца ў заробках мужчын і жанчын. А падчас менструацыі жанчыны могуць разлічваць на келіх віна і бясплатную пракладку ў выпадку нечаканасці. Вам не трэба будзе даказваць гэтыя факты, каб атрымаць зніжку, — у бары давяраюць сваім кліентам.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…