Чытач Hrodna.life Павел Зубкоў адправіў у ДАІ пытанне: што яны збіраюцца рабіць з масавымі парушэннямі ПДР на пешаходным ўчастку вуліцы Маставой. Аб праблеме мы пісалі ў артыкуле «Таксісты і не толькі. Чаму па пешаходнай Маставой усё часцей ездзяць на аўто?». Вось што адказалі Паўлу.
Легальна пад’ехаць да пешаходнай часткі Маставой можна са двароў па праездзе паміж будынкам былой фабрыкі «Акцэнт» і крамай «Раніца», з вуліцы Замкавай, а таксама з боку вуліцы Кастрычніцкай. На саму Маставую ў гэтай яе частцы ўехаць нельга — стаяць знакі «Пешешеходная зона».
У ДАІ адзначылі, што ў студзені 2019 года з боку вуліцы Давыда Гарадзенскага былі ўсталяваныя загараджальныя тумбы (бетонныя паўсферы) — для падвышэння бяспекі. Абмяжоўваць рух па вуліцы з іншых бакоў ДАІ лічыць немэтазгодным: гэта перашкодзіць масавым мерапрыемствам на Савецкай плошчы.
Як вынікае з ліста, за 12 дзён у чэрвені-ліпені за праезд па пешаходнай зоне вуліцы Маставой інспектары прыцягнулі ўсяго толькі двух кіроўцаў.
ДАІ паабяцала арыентаваць нарады на перыядычны кантроль на вуліцы Маставой.
Два парушальнікі за амаль два тыдні - вельмі мала. Магчыма, ДАІ працавала на Маставой днём, у той час як праблема абвастраецца вечарам і ноччу. Павел думае, што так і было.
Калі вы бачыце відавочнае парушэнне правілаў, у ДАІ раяць звяртацца ў дзяжурную частку па тэлефоне 79−75−04 або 79−75−05.
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…