«БПС-Сбербанк» запусціў сетку банкаматаў з функцыяй абмену валюты. Прылады дазваляюць як набываць, так і здаваць замежную валюту. Такія тэрміналы плануюць усталяваць у абласных і некаторых раённых цэнтрах.
Тэрміналы мяняюць валюту паводле афіцыйнага курсу банка. Для гэтага трэба выбраць аперацыю і валюту, пасля — унесці гатоўку. На экране адлюструецца сума ў двух валютах і памер безнаяўнай рэшты ў беларускіх рублях. Апошнюю можна, напрыклад, перавесці на картку, папоўніць баланс мабільнага тэлефона або перавесці на дабрачынны рахунак. Пасля гэтага прылада выдасць грошы ў патрэбнай валюце. Пры здзяйсненні аперацый банк просіць улічваць мінімальны намінал банкнот.
«Новыя прылады дазваляюць здзяйсняць валютна-абменныя аперацыі ў любы момант, калі ў гэтым узнікне неабходнасць, без прывязкі да графіку працы аддзяленняў банка, — адзначыла выканаўчая дырэктарка „БПС-Сбербанк“ Алена Дземідзенка. — У будучыні мы плануем усталяваць такія тэрміналы ў абласных і некаторых раённых цэнтрах».
Шматфункцыянальныя прылады ёсць у цэнтры Мінска (аддзяленне на Машэрава, 80), ля станцый метро «Усход» (на П. Мсціслаўца, 13) і «Малінаўка» (офіс на Дзяржынскага, 119). Інавацыйны банкамат таксама ўсталявалі ў нацыянальным аэрапорце, яшчэ адзін — у Кобрыне, у лічбавым офісе «БПС-Сбербанк» ў ГЦ «Палессе».
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…