Загінулы салдат тэрміновай службы Аляксандар Арлоў, фота з пахавання. 7 верасня 2018 году
Салдат тэрміновай службы Аляксандар Арлоў загінуў у слонімскай частцы ў верасні 2018 года. Толькі цяпер Генпракуратура скасавала адмову СК на завядзенне крымінальнай справы і распачала справу па ч. 1 арт. 145 Крымінальнага кодэкса «Давядзеньне да самагубства».
Аляксандар Арлоў паходзіў зь вёскі Краснае Карэліцкага раёну, піша s**boda.org. У войска пайшоў у 2017-м, служыў майстрам абслугоўваньня акумулятарных батарэй у адным з батальёнаў 11-й асобнай мэханізаванай брыгады ў Слоніме. У ліпені 2018-га прыяжджаў у звальненьне дадому. 5 верасьня 2018 году Мінабароны апублікавала паведамленьне пра ягоную сьмерць.
«5 верасьня ў адной з вайсковых частак Слонімскага гарнізону ўчыніў суіцыд шараговец Арлоў А.В., — гаварылася ў афіцыйным паведамленьні Мінабароны. — Вайскоўцу 20 гадоў, да заканчэньня службы яму заставалася крыху больш за паўгода. Папярэдне: прычына суіцыду абумоўленая асабістымі абставінамі і не зьвязаная з праходжаньнем вайсковай службы. Па гэтым факце праводзіцца праверка Сьледчым камітэтам, у вайсковай частцы працуе камісія Міністэрства абароны».
З афіцыйнай вэрсіяй сьмерці Аляксандра Арлова адразу не пагадзіліся ягоныя родныя. Перад пахаваньнем яны сфатаграфавалі цела; на здымках відаць шматлікія пашкоджаньні. У тым ліку падвойная стангуляцыйная баразна на шыі. Маці Аляксандра Вольга напісала заяву ў Сьледчы камітэт і стала чакаць завядзеньня справы. Праверку спачатку праводзіў мясцовы СК, затым абласны, потым цэнтральны.
22 траўня 2019 году сьледчы ў асабліва важных справах Цэнтральнага апарату Сьледчага камітэту С. Баланоўскі пастанавіў адмовіць у завядзеньні крымінальнай справы па факце сьмерці Аляксандра Арлова. Жанчына з дапамогай юрыстаў падала позву ў суд і скаргу ў Генэральную пракуратуру. Адказ з апошняй прыйшоў напярэдадні гадавіны сьмерці сына.
«Генэральнай пракуратурай Рэспублікі Беларусь разгледжана ваша скарга на пастанову аб адмове ў завядзеньні крымінальнай справы, вынесенае 1.07.2019 Сьледчым камітэтам Рэспублікі Беларусь па выніках дадатковай праверкі па факце гібелі вашага сына Арлова А.В., — гаворыцца ў лісьце з Генпракуратуры. — Пасьля вывучэньня матэрыялаў праверкі гэтая пастанова
Крымінальная справа перададзеная ў Сьледчы камітэт для расьсьледаваньня. Пра яго вынікі жанчыне абяцаюць паведаміць. За ходам сьледзтва будзе сачыць старшы пракурор упраўленьня нагляду за выкананьнем заканадаўства Сьледчым камітэтам Грынько.
«Атрымала гэты ліст за дзень да гадавіны сьмерці Сашы, — кажа маці загінулага салдата Вольга. — Мы скаргу яшчэ на пачатку жніўня напісалі, калі ў СК нам паведамілі пра канчатковую адмову пачынаць крымінальную справу. Я ўжо думала, што ўсё, што ніхто ня будзе нічога расьсьледаваць. А тут гэты ліст».
Новыя сьледчыя з жанчынай пакуль ня зьвязваліся. Вольга па-ранейшаму перакананая, што яе сын стаў ахвярай забойства.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…