У Гродне плануюць аднавіць яўрэйскую школу за сінагогай і адмовіцца ад «шкла і бетону» пры будаўніцтве і рэканструкцыі ў гістарычным цэнтры. На нарадзе ў аблвыканкаме абмеркавалі пытанні, якія тычацца забудовы ў гістарычным цэнтры горада.
Старшыня гарвыканкама Мечыслаў Гой на нарадзе звярнуў увагу на пляцоўку за сінагогай, дзе раней была яўрэйская школа. Яе хочуць аднавіць. У першую чаргу заняцца гэтым пытаннем прапануюць яўрэйскай суполцы, піша grodnonews.by.
Уладзімір Краўцоў, старшыня аблвыканкама, падкрэсліў важнасць аблічча будынкаў у гістарычным цэнтры. Гарадскія ўлады будуць асабліва адсочваць тэрміны правядзення рэстаўрацыйных работ у цэнтры горада і стан прылеглай да будынкаў тэрыторыі. Нядобрасумленныя ўладальнікі, якія ігнаруюць тэрміны і ўмовы дагавора, могуць пазбавіцца набытых аб’ектаў.
— Усе будынкі павінны гарманічна ўпісвацца ў архітэктурную карціну горада, таму ў прыярытэце фасадныя працы. Яны павінны быць завершаны ў бліжэйшы час, каб горад летам сустрэў гасцей абноўленым і прэзентабельным. Важна, каб уладальнікі захавалі аблічча будынкаў, нават калі аб’екты неабходна разабраць і ўзвесці з нуля. Калі ж на аўкцыёне прададзены пусты ўчастак, будынак, якое ўзвядуць там, павінна адпавядаць атачэнню. Таму «бетон і шкло» непрымальныя ў гістарычным цэнтры, — падкрэсліў Уладзімір Краўцоў.
Таксама Краўцоў звярнуў увагу на Гараднічанку і яе рэчышча, на неабходнасць абароны прылеглай тэрыторыі ад паводак.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…