Бацькі хочуць адкрыць у Гродне бясплатную трэнажорную залу для дзяцей з інваліднасцю. Ужо ёсць памяшканне і частка абсталявання. На платформе molamola.by распачаты збор сродкаў на трэнажоры, якіх не хапае.
Рэабілітацыя дзяцей з інваліднасцю часцяком каштуе вялікіх грошай. Асабліва складана, калі адзін з бацькоў не працуе ці гадуе дзіця адзін, або ў сям'і яшчэ некалькі дзяцей, якім таксама трэба купляць цёплую вопратку і аплачваць гурткі.
Ларыса Санюкевіч з Гродна, маці двух двайнят з ДЦП і кіраўнічка сацыяльна-дабрачыннай установы «Рука дапамогі», вырашыла адкрыць у абласным цэнтры спецыяльную трэнажорную залу для дзяцей з інваліднасцю, дзе малыя з ДЦП, мышачнай дыстрафіяй, сіндромам Дауна (як у двухгадовага Ягора на фота) змогуць бясплатна займацца на сучасных трэнажорах пад кіраўніцтвам інструктара.
Многае ўжо зроблена. Ларыса разам з іншымі бацькамі арандавалі памяшканне на вуліцы Болдзіна і цяпер сваімі сіламі робяць там рамонт. Сёе-тое з абсталявання ўжо закуплена, але для паўнавартаснай рэабілітацыі не хапае трох важных трэнажораў. Гэта бегавая дарожка American Motion Fitness 8643E (5080 рублёў), трэнажор «Гроса» (6900 рублёў), пакой сэнсарнай інтэграцыі з наборам падвесных снарадаў «Вялікі Дом совы» (12 000 рублёў). Купля нават аднаго з іх дапаможа вывесці рэабілітацыю на новы ўзровень.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…