У Горадзенскай вобласьці пацьвердзілі чацьвёрты выпадак каранавірусу. Са шпіталя ў горадзе Іўе, дзе ляжыць мужчына, пачалі масава выпісваць пацыентаў, піша С**бода.
Як стала вядома С**бодзе, мужчына паходзіць з Івейскага раёну, мае бізнэс, займаецца мэбляй і перавозкамі па Беларусі. Ёсьць жонка і малыя дзеці.
Як сказаў газэце «Вечерний Гродно» галоўны дзяржаўны санітарны ўрач Горадзенскай вобласьці Мікалай Кендыш, 50-гадовы прадпрымальнік не выяжджаў за мяжу, толькі езьдзіў у Менск. У яго выявілі каранавірус, калі ён ужо ляжаў у шпіталі з пнэўманіяй.
Іншы жыхар Іўя, у якога сын плянава ляжыць у івейскім шпіталі на абсьледаваньні, расказаў пра сытуацыю ў лякарні.
«Трэці паверх [шпіталя] цалкам ачысьцілі ад хворых і нямоглых. Усіх пазабіралі дахаты. На маіх вачах, гэта я ўсё бачыў, як яны выносілі, з інсультам, дзядоў, бабак, нехадзячых — усіх, з нэўралёгіі. Ачысьцілі ўсё цалкам, увесь трэці паверх. Усіх выпісалі», — кажа суразмоўца.
Па ягоных зьвестках, шпіталізаваны як сам пацыент з каранавірусам, так і ягоныя родныя.
«Ніхто нічога ня кажа. Усё ціха, усе баяцца», — кажа мужчына.
Ягоны сын, як і іншыя пацыенты, ня можа выходзіць на шпацыры. Нельга іх ні адведваць, ні перадаваць перадачы.
«Яны заблякаваныя ўжо цэлы тыдзень, іх нікуды не выпускаюць, ні на вуліцу, нікуды. Нават заходзіць у шпіталь нельга. Учора [у нядзелю 29 сакавіка] папрыяжджала шмат, камісіі, з Горадні. Сын казаў, што тупаюць, лётаюць, учора такі кіпіш быў, што о-ё-ёй. Знаёмая лекарка мяне ўбачыла, сказала: „Сёньня ўсіх выпішам. Уцякай адсюль, тут каранавірус гуляе“. Так мне і сказала», — пераказвае жыхар Іўя.
«Я ніякіх камэнтароў не магу даваць цяпер», — сказаў галоўны лекар Івейскага шпіталя Іван Глаз.
«Я пакуль не магу камэнтаваць гэтую сытуацыю. У нас сёньня была плянэрка, і пакуль, сказана, ніякую інфармацыю нам… Так, выпадак ёсьць, і больш я вам сказаць пакуль нічога не магу», — паведаміла Анастасія Жамойта, якая выконвае абавязкі галоўнага санітарнага ўрача Івейскага раёну.
У Горадзенскай вобласьці раней паведамлялася яшчэ пра тры выпадкі: у 62-гадовай гарадзенкі, якая вярнулася з Італіі, і ў двух маладых мужчын, што прыляцелі са Швэцыі.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…