Беларусь і Польшча пачынаюць супрацу ў сфэры энэргетыкі, ёсьць дамоўленасьці аб пастаўках у Беларусь нафты. Пра гэта паведаміў пасол Польшчы ў Беларусі Артур Міхальскі 3 траўня ў інтэрвію з нагоды гадавіны прыняцьця Канстытуцыі Рэчы Паспалітай (3 траўня 1791 году), піша «Радыё С**бода» са спасылкай на tvr.by.
«У гэтым вельмі дапамагае актыўны палітычны дыялёг паміж нашымі дзяржавамі, — патлумачыў дыплямат. — Мы разумеем патрэбу Беларусі ў дывэрсыфікацыі крыніц энэргіі, мы даўно гэта зрабілі. Мы ведаем, што Беларусь размаўляе з многімі краінамі, балтыйскімі і Польшчай, наконт магчымых транзытных шляхоў.
У палітычным пляне ў Польшчы ёсьць вельмі добразычлівыя адносіны да гэтага пытаньня, і Польшча хацела б быць часткай гэтага жаданьня Беларусі дывэрсыфікаваць крыніцы энэргіі".
Па словах Міхальскага, цікавасьць дзелавых колаў Польшчы да Беларусі расьце — за апошні год у Беларусь прыехалі шмат польскіх бізнэсоўцаў.
«Мы зьвязаны каранямі ў розных галінах і розных вымярэньнях. Мы шмат робім, што спрыяе народнай дыпляматыі. Мы ўсьведамляем, што наша суседзтва важнае, гэта не пагроза, а шанец», — падкрэсьліў пасол.
Польскіх інвэстараў, паводле яго, прывабліваюць розныя галіны беларускай эканомікі — мэблевая індустрыя, аграрная сфэра, IT-сэктар. Міхальскі адзначыў станоўчую дынаміку ў эканамічным супрацоўніцтве дзьвюх краін.
«У нас больш за тры мільярды долараў таваразвароту кожны год. Мы ў добрым становішчы, паколькі польскія інвэстары шукаюць рынкі. Суседні рынак — гэта, па-першае, вельмі зручна, людзі вельмі добра разумеюць адзін аднаго, паколькі нашы мовы — беларуская і польская — падобныя адна на адну», — сказаў пасол Польшчы.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…