Адзін з кіраўнікоў Гродзенскага мясакамбіната асуджаны за хабар, злоўжыванне службовым становішчам і крадзеж. Ён займаўся заключэннем дамоваў на дастаўку частак і камплектуючых для абсталявання завода. За некалькі месяцаў ён атрымаў ад пасярэднікаў больш за 5000 долараў, кажуць праваахоўнікі.
Прысуд вынесены ў судзе Ленінскага раёна Гродна 24 красавіка. Адбываць пакаранне асуджаны будзе ў калоніі ва ўмовах узмоцненага рэжыму. На пяць гадоў ён пазбаўлены права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, юрыдычна значных дзеянняў.
Ці абскарджаны прысуд, у Гродзенскім абласным судзе Hrodna.life адмовіліся паведаміць.
Мужчыну асудзілі паводле наступных артыкулаў:
Абмяркоўваць падрабязнасці карупцыйнай справы з журналістам Hrodna.life на мясакамбінаце адмовіліся.
Аднаго з кіраўнікоў Гродзенскага мясакамбіната затрымалі ў канцы траўня 2019 года пры атрыманні хабару. У яго кампетэнцыю ўваходзіла заключэнне дагавораў паставак запасных частак і камплектуючых да тэхналагічнага абсталявання. Пра затрыманне паведаміла 27 траўня 2019 года мясцовая міліцыя. Телеграм-канал «Гродненские сливы» праз некалькі дзён паведаміў, што, верагодна, затрыманы намеснік галоўнага інжынера мясакамбіната.
51-гадовы на той момант мужчына некалькі месяцаў атрымліваў грошы ад пасярэднікаў. За ўсё яму перадалі больш за 5000 долараў, паведамілі ў міліцыі.
Люты 2019. За хабар у буйным памеры — 19 000 рублёў - асудзілі начальніка тарнага ўчастка Гродзенскага мясакамбіната. Па версіі следства, ён неаднаразова браў хабару за спрыяльнае рашэнне пытанняў, якія ўваходзяць у яго кампетэнцыю.
Яго прысудзілі да 4 гадоў пазбаўлення волі з адбываннем пакарання ў папраўчай калоніі ва ўмовах ўзмоцненага рэжыму з канфіскацыяй маёмасці. Акрамя таго, мужчына на 5 гадоў пазбаўлены права займаць пасады, звязаныя з выкананнем адміністрацыйна-гаспадарчых абавязкаў.
Студзень 2017. За крадзяжы шляхам злоўжывання службовымі паўнамоцтвамі службовую асобу Гродзенскага мясакамбіната і кіраўніка прыватнага гандлёвага прадпрыемства Гродна затрымлівалі ў 2017 годзе. Іх падазравалі ў тым, што з 2013 па 2016 год яны ладзілі закупку для патрэб мясакамбіната па заведама завышаных цэнах праз створанае для крадзяжоў прыватнае гандлёвае ўнітарнае прадпрыемства. У выніку яны прысвоілі парадку 83 тысяч рублёў. Далейшы лёс крымінальнай справы не зразумелы.
ААТ «Гродзенскі мясакамбінат» — адно з найбуйнейшых мясаперапрацоўчых прадпрыемстваў Беларусі. У 2018 годзе выручка кампаніі склала 312,3 млн рублёў, чысты прыбытак — 10,4 млн. Фінансавая справаздачнасць за 2019 год па стане на 15 мая 2020 яшчэ не была апублікавана. У каментары да фінансавай справаздачнасці за 2018 год незалежны аўдытар агенцтва «Грант Торнтан» адзначыў, што «Гродзенскі мясакамбінат» не раскрывае інфармацыю аб узнагароджанні ключавога кіруючага персаналу.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…