Ежы Грыгенчу абвінавачваюць ва ўдзеле ў «Ланцугу салідарнасці» і будуць судзіць за ўдзел у несанкцыянаваным масавым мерапрыемстве, паведамляюць праваабаронцы.
30-га чэрвеня грамадска-палітычнага актывіста Ежы Грыгенчу выклікаў у РАУС Ленінскага раёна Гродна Аляксей Вайцешка, начальнік аддзела аховы правапарадка и прафілактыкі.
Ён паведаміў, што на Ежы Грыгенчу склалі пратакол па ч.3 арт. 23.34 КоАП за ўдзел у несанкцыянаваным масавым мерапрыемстве. Ім на думку міліцыі з’яўляецца «Ланцуг салідарнасці», што прайшоў у Гродна 19-га чэрвеня. Актывіста будуць судзіць.
Яму пагражае штраф у памеры ад дваццаці да пяцідзесяці базавых велічынь або адміністрацыйны арышт.
У Гродне 19 чэрвеня, а 19:00 пачалася акцыя салідарнасці са зняволенымі. Людзі расцягнуліся ланцугом ад Дома Мураўёва на Савецкай плошчы да філармоніі. Машыны, што праязджалі міма, актыўна сігналілі. Агулам ў ланцугу стаяла блізу 600 чалавек, затрымалі і ўжо вызвалілі аднаго чалавека. Пазней акцыі сталі штотыднёвымі. На апошняй акцыі затрымалі шэсць чалавек. Над імі ідуць суды.
Ежы Грыгенча — сябра Аб’яднанай грамадзянскай партыі. У 2019 годзе паводле таго ж артыкула яго судзілі за ўдзел у акцыі супраць інтэграцыі Беларусі з Расіяй, у 2017 — за ўдзел у Маршах недармаедаў.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…