Першая сотня жоўтых ровараў з’явілася на вуліцах Гродна 3 ліпеня. Любы жадаючы можа скарыстацца мабільным велапракатам — узяць ровар у адным месцы, а пакінуць у іншым. Галоўнае — усталяваць дадатак у смартфоне і адплаціць карыстанне.
Пасля Брэста і Мінска Гродна стаў трэцім абласным цэнтрам, дзе запусцілі байкшэрынг «Колабайк». На працягу ліпеня колькасць пракатных ровараў у Гродне павялічыцца да 500 штук. Усе яны будуць знаходзіцца ў розных месцах горада.
Пракатныя ровары абсталяваны сістэмай GPS-сачэння і модулем 2G/3G для дыстанцыйнай разблакоўкі. Грошы здымаюцца аўтаматычна з рахунку пасля завяршэння паездкі. За пасадку бяруць 50 капеек і па 4 капейкі за кожную хвіліну карыстання.
Каб карыстацца роварамі, трэба спампаваць прыкладанне і прывязаць да яго банкаўскую картку. У дадатку можна знайсці на карце бліжэйшы ровар. На самым ровары трэба адсканаваць код на рулі або замку. Калі замок адкрыецца — можна ехаць. Потым ровар можна пакінуць амаль у любым месцы. Галоўнае, не забыцца зачыніць замок на ім. Усе ровары адсочваюцца з дапамогай GPS і інтэрнэту.
У Мінску пасля запуску «Колабайка» пачалася серыя крадзяжоў і псаванняў пракатных ровараў. Іх знаходзілі на дрэвах, на брылі пад’езда і ў сметніку, іх везлі ў суседнія гарады (Смалявічы і Стоўбцы), вандалы зафарбоўвалі QR-коды, якія трэба сканаваць перад пачаткам паездкі. Адзін ровар школьнік утапіў у Свіслачы. У Брэсце зніклы ровар «Колабайк» знайшлі ў лесе са зрэзанымі дэталямі.
У Гродне былі падобныя выпадкі з самакатах пракату Samokato. Хуліган разбіў самакат і ўтапіў яго ў Нёмане.
«Колабайк» — не першы такога тыпу сэрвіс у Гродне. Іншы велашэрынг «Hutka» пачалі пачалі тэставаць у траўні 2020 у Альшанцы.
Спіс будучых арандатараў шматфункцыянальнага комплексу ў будынках былога гродзенскага піўзавода ўжо часткова гатовы. Частка комплексу…
Упакоўшчык адной з фірмаў у Гродне выйшаў з дому ў 13.20 і "прадэманстраваў" на левай…
XIV Рэспубліканскі фестываль нацыянальных культур у Гродне традыцыйна пачнецца агульным шэсцем дыяспар, пасля якога на…
Увечары гродзенка прывязала ланцужок з сабакам да лаўкі. Па яго яна не вярнулася. Так пенсіянерка…
У выніку ўзлому зламыснікі завалодалі персанальнымі дадзенымі ўладальнікаў акаўнтаў на сайтах realt.by, kvartirant.by і mls.realt.by,…
Вулічная кавярня ў французскім стылі адкрыецца проста ў двары Новага замка. Яно будзе працаваць толькі…