Работнікам Гомельскага хімічнага завода прапаноўваюць адправіцца ў камандзіроўку ў Гродна для работы на «Гродна Азоце». Абяцаюць жыллё, тэрмін камандзіроўкі — ад шасці месяцаў, стала вядома «Нашай Н**е».
Пра гэта журналістам расказалі два работнікі гомельскага завода. Людзі зразумелі прапанову так, што імі хочуць замяніць бастуючых або звольненых работнікаў «Азота».
Агітуюць пераехаць гэтак званых «апаратчыкаў» — работнікаў цэхаў, а таксама інжынерна-тэхнічныя кадры.
Канцэрн «Белнафтахім» адмаўляе забастоўку на «Азоце». У той жа час работнікі прадпрыемства гавораць пра забастоўку больш як 100 ключавых супрацоўнікаў, у тым ліку апаратчыкаў, якіх няма кім замяніць.
Страйк пачаўся на заклік Святланы Ціханоўскай. Патрабаванняў тры: адстаўка Аляксандра Лукашэнкі, вызваленне палітвязняў і свабодныя выбары.
Забастоўку падтрымалі сотні малых і сярэдніх прадпрыемстваў, пераважна ІТ-сектара і сферы паслуг, студэнты розных ВНУ, а таксама асобныя работнікі некаторых дзяржаўных заводаў, у тым ліку МЭТЗ і «Гродна Азота».
Пра «Гродна Азот», горадаўтваральнае прадпрыемства, кажуць, што ён можа адыграць у лёсе Беларусі тую ж ролю, якую ў лёсе Усходняй Еўропы 1980-х адыграла Гданьская суднаверф.
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…