Пакідаць электрасамакаты ў Гродне можна будзе не паўсюль. З’явяцца пэўныя зоны, у якіх паркоўка электрасамакатаў будзе забароненая. Карэспандэнтка Hrodna.life высветліла, як гэта будзе працаваць.
У Гродне з’явяцца зоны, у якіх нельга будзе паркаваць электрасамакаты. Гэта будзе працаваць проста: мабільны дадатак не дасць завяршыць паездку ў забароненай зоне. У дадатку паведамяць, што трэба ад’ехаць убок прыкладна на пяць метраў, каб завяршыць паездку, паведамілі Hrodna.life у першай сістэме кікшэрынгу ў Гродне Samokato.
Забароняць паркоўку каля помнікаў, а таксама будынкаў аблвыканкама, гарвыканкама і райвыканкама. Увесь спіс «чырвоных» зонаў яшчэ не склалі. «Як толькі нам паведамяць усе зоны, у той жа дзень гэта будзе ўведзена», — паведамілі супрацоўнікі Samokato.
У кліентаў будзе адзіны шанец завяршыць паездку ў забароненым месцы: калі скончацца грошы на кашальку ў дадатку. У такім выпадку ўладальнікам самакатаў прыйдзецца цягам 15−20 хвілін забраць самакат з гэтага месца, распавялі Hrodna.life супрацоўнікі Samokato.
«Гэта было і наша прапанова, бо мы заўважаем, што самакаты часам стаяць побач з праезнай часткай, на веладарожцы або каля помнікаў. Умоўна, яны павінны стаяць так, каб не перашкаджаць іншым удзельнікам, пешаходам ці веласіпедыстам і не ствараць праблем іншым людзям», — сказаў намеснік начальніка аддзела спорту і турызму Гродзенскага гарвыканкама Сяргей Кулакоў карэспандэнтцы Hrodna.life.
Чытайце таксама:
Начался сезон кикшеринга. Где можно арендовать электросамокат в Гродно
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…