Ілюстрацыйнае фота. vk.com/swimming34
Будынак басейна, які не працуе, з падвалам і агароджай па вул. Цэнтральнай, 8 у Абухава прададуць з аўкцыёну 10 сакавіка. Там могуць з’явіцца аб’екты грамадскага харчавання, фізкультурна-аздараўленчага, культурна-забаўляльнага, гандлёва-бытавога, медыцынскага, грамадскага, адміністрацыйнага прызначэння. Інфармацыя пра гэта з’явілася на сайце райвыканкама. Мясцовыя жыхары ў свой час казалі, што хацелі б «адваяваць» басейн.
Валодае басейнам Гродзенскі раённы фізкультурна-спартыўны клуб. Пачатковы кошт — 96 855 рублёў, задатак складзе 10 000 рублёў. Прадаюць права арэнды на 50 гадоў. У лот уваходзіць двухпавярховы будынак з падвалам плошчай 1576 кв. м. з двума басейнамі, падпорная сценка і агароджа.
Існуюць абмежаванні: участак знаходзіцца ў водаахоўнай зоне ракі і ў зоне санітарнай аховы крыніц пітнога водазабеспячэння.
Аўкцыён пройдзе 10 сакавіка ў Гродне, вул. 17 верасня, 39. Арганізатар аўкцыёну — камітэт «Гроднааблмаёмасць».
Басейн у Абухава увайшоў у Каталог невыкарыстоўваемых аб’ектаў нерухомасці ва ўласнасці дзяржавы або адкрытых акцыянерных таварыстваў, размешчаных на тэрыторыі Гродзенскай вобласці, якія падлягаюць продажу ў 2021 годзе. Яго ўжо спрабавалі прадаць як мінімум адзін раз у кастрычніку 2021 года.
Аграгарадок Абухава Гродзенскага раёна ў 2017 годзе ўключылі ў план развіцця «Вёска будучыні». Пілотны праект у канцы 2016 года ініцыяваў Аляксандр Лукашэнка і даручыў стварыць такую вёску ў кожнай вобласці. Галоўная мэта — падняць сяло на новы ўзровень, дзе людзям жылося б не горш, чым у горадзе, расказвае «СБ».
Для праекта выбіралі перадавыя вёскі, якія і без гэтага выглядалі лепш на фоне іншых, адзначаў Onliner.by. Нейкага мэтавага фінансавання са статусам «вёскі будучыні» не вылучалася. Аб басейне ў гутарцы з Onliner.by у 2021 годзе гаварылі і мясцовыя пенсіянеркі, якія хацелі б адваяваць басейн, але не ведаюць як. «Вельмі дрэнна, што басейн зачынілі і не адкрываюць. Ужо колькі гадоў стаіць так. Столькі шмат там месца, такі шыкоўны басейн быў, а цяпер стаіць без толку, хутка рассыпецца ўвесь будынак», — казалі яны. Басейн нейкі час функцыянаваў як склад, а па прызначэнні яго даўно не выкарыстоўвалі.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…