Стваральнікі кавярні «Крепкий Черный» рыхтуюць новы праект — свой «янь і супрацьлегласць» пад назвай «Крепкий Белый». Пакуль у памяшканні ідзе рамонт. Тэрміны пакуль не называюць, але праект інтэр'еру ўжо ёсць.
Кавярня зойме месца на вул. Замкавай, 12. Яна будзе размяшчацца на другім паверсе бізнес-цэнтра «На Замкавай».
«Гэта наша лакацыя — наш новы дом, у якім мы занялі месца пад сонцам і цяпер вечары з намі будуць чароўнымі на ашаламляльнай тэрасе. Мы ламаем стэрэатыпы і „Крепкий Белый“ займае месца на другім паверсе», — напісалі ўладальнікі ў Instagram.
Стваральнікі паказалі праект кавярні. Карыстальнікі адзначаюць, што інтэр'ер прыгожы і з захаванымі «фірмовымі штучкамі». Два карыстальніка прапанавалі зрабіць крэслы зручнейшымі і менш цвёрдымі. Іх паабяцалі ўпрыгожыць падушкамі.
Уладальнікі распавялі Hrodna.life, што ў кавярні пакуль пачынаюць рабіць рамонт. Яго тэрміны пакуль назваць не могуць. У сторыс яны ўдакладнілі, што знаходзяцца на стадыі перамоваў з падрадчыкамі і папяровай працы. Зараз у кавярню шукаюць барыста.
— Яна будзе адрознівацца ад усіх кавярняў. Мы паспрабуем задаць новы ўзровень. Думаю, гараджане ўжо гатовыя, ды і астатнія кавярні падцягнуцца ў плане свайго росту, — распавялі Hrodna.life.
Кавярня «Крепкий Черный» адкрылася ў траўні 2020 года ў гандлёвым цэнтры Kazzarma Mall. Установа пазіцыянуе сябе як «pets friendly». Яны спецыяльна вырашылі адкрыцца ў жылым мікрараёне і працуюць «з веганскім ухілам». У буднія дні кавярня пачынае працаваць з 8.00 раніцы.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…