Міліцыянт з Ваўкавыска, які праходзіць па «справе Аўтуховіча» пацярпелым, падаў іск аб кампенсацыі матэрыяльнай і маральнай шкоды. Ён хоча спагнаць з абвінавачаных больш за 44,4 тыс. рублёў, перадае БелТА.
Пацярпелы працуе ў міліцыі больш за 15 гадоў, з траўня 2022 года — участковым інспектарам. Да гэтага працаваў старшым інспектарам аховы правапарадку. У 2020 годзе мужчына ўваходзіў у «групу па тлумачэнні заканадаўства» на масавых мерапрыемствах. Ён здымаў удзельнікаў акцый і больш за 40 разоў выступаў сведкам на судовых працэсах, дзе судзілі ўдзельнікаў пратэстаў, перадае БелТА.
У пачатку кастрычніка 2020 года ўзарвалі яго аўтамабіль і недабудаваны дом у Ваўкавыску. Пацярпелы заявіў, што шкода ад згарэлай машыны склала больш за 1,8 тыс. рублёў, дома — больш за 32,5 тыс.рублёў. Маральную шкоду ён ацаніў у 15 тыс. рублёў. Згодна з матэрыяламі справы, дом і аўтамабіль у пачатку кастрычніка 2020 года падпалілі Мікалай Аўтуховіч і Павел Сава.
У адным з Telegram-каналаў была размешчана інфармацыя пра яго, паведаміў пацярпелы. Мужчына распавёў, што яму і сям'і яго цёзкі паступалі пагрозы. З пачатку судовага працэсу пагрозы паступалі і бацькам пацярпелага.
— Паступалі пагрозы: «А як пажывае твая мама», «А ці здаровы твой тата»? З пачатку судовага працэсу бацькі пачалі атрымліваць паведамленні: «Ваш сын памёр». Былі пагрозы маім цёзкам, даводзілася доўгі час забяспечваць бяспеку іх сыну. Але ўсе пагрозы тычыліся здароўя і жыцця, не маёмасці, — растлумачыў супрацоўнік Ваўкавыскага РАУС, піша «Гродзенская праўда».
Чытайце таксама:
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…