Рэканструкцыя піўзавода ў Гродне. Фота: Беларусь 4
Праект рэканструкцыі гродзенскага піўзавода паказалі ў эфіры «Беларусь 4». Там можна ўбачыць рэндэры будынкаў, якія інвестар хоча пабудаваць па суседстве. Гісторык Мечыслаў Супрон зрабіў пост у Facebook — ён выклікаў абмеркаванне.
«Архітэктурныя навіны з Гародні апошнім часам вельмі сумныя. Побач з піўзаводам Кунца плануецца ўзвядзенне цэлага квартала ў стылі хай-так. Гэта азначае, што планам па адбудове і рэнавацыі страчанай вуліцы Падзамча не наканавана здзейсніцца. А краявід на горад з левага берага будзе назаўсёды знявечаны архітэктурай перыяду стабільнасці», — напісаў гісторык Мечыслаў Супрон.
Ён таксама размясціў фота 1920−30-х гг., на якім відаць, якая менавіта забудова знаходзілася побач з піўзаводам 100 гадоў таму. Гэта быў густанаселены жылы раён пераважна цагляных дамоў. Зараз на гэтым участку пустка паміж будынкамі завода і рэстаранам «Mr Hops».
«Добрае сучаснае можна будаваць i iншым месцы, за гiстарычным цэнтрам, на тое ён i гiстарычны цэнтр, каб там рэстаўраваць страчанае. Лепей нават муляжы чым, аля хай-тэк пад замкам», — лічыць мастак Анджэй Трубіцкі. Ён, як і некаторыя іншыя каментатары паста Супрона, хацеў бы, каб раён аднавілі такім, якім ён быў калісьці.
«А што ў гэтым сучасным гарадзенскага? Якая прыкмета архітэктуры выглядае тут як тыпова гарадзенская? Гэта ж звычайныя сярэдняй рукі таўнхаўсы, каторыя будуюцца ў Еўропе на ўскрайках. Можа лепей якасна аднавіць страчаную спадчыну, як гэта павінна быць на добры розум? Вось уяві адноўлены Новы замак у барочным стылі, такі ўвесь велічны і каралеўскі. І тут пад ім стаіць сярэдняй рукі хайтэк абкладзены плітачкай пад цэглу і крыты профлістом. Гэта ж элементарная какафонія, каторая забівае і без таго раздоўбаны вайной і аграхайтэкам Каралеўскі горад», — напісаў карыстальнік Дзмітрый Солтан.
Чытайце таксама:
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…