У Гродне 34-гадовы мужчына скокнуў са Старога моста ў Нёман. Гэта адбылося 12 лютага ў 15:25. Мужчыну выцягнулі з вады ратавальнікі ў раёне Старога замка, паведамілі ў Гродзенскім абласным упраўленні МНС.
Пасля скоку ў раку мужчыну несла ўніз па плыні. Яго выцягнулі на сушу ў 115 метрах ад мосту.
На беразе мужчыну аглядзелі медыкі і шпіталізавалі ў рэанімацыйнае аддзяленне бальніцы хуткай медычнай дапамогі. Яму паставілі дыягназ «агульнае пераахалоджванне». Зараз мужчына ў здавальняючым стане. Прычыны, па якіх мужчына скокнуў з моста, высвятляюць.
У лютым 2017 года 75-гадовы пенсіянер скокнуў у Нёман з Румлёўскага моста. Праз 22 хвіліны пасля сігналу ратавальнікі выявілі ўжо мёртвага чалавека каля чыгуначнага моста.
У лістападзе 2017 года кіроўца гарадскога аўтобуса спыніў аўтобус на Старым мосце, выйшаў з кабіны і скокнуў у Нёман. Мужчыну выратавалі і шпіталізавалі ў цяжкім стане.
У жніўні 2020 года дзяўчына пералезла праз парэнчы Старога моста і вісела над вадой. На месца прыехалі супрацоўнікі МНС і хуткай дапамогі. На Нёмане дзяжурыў ратавальны кацер. Скокнуць дзяўчына не паспела, яе забрала хуткая дапамога.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…