Фестываль «Лакацыя» адбудзецца ў Гродне другі раз. Яго арганізуюць 22 ліпеня 2023 года на пляцоўцы гандлёва-забаўляльнага комплекса Triniti, паведаміў «АвтоГродно». Прыём заявак пачнецца ў траўні.
У 2023 годзе арганізатары «Лакацыі» абяцаюць насычаную і працяглую праграму. Зараз яны вядуць перамовы з музычнымі камандамі, якія павінны зайграць вечаровы канцэрт. У мінулым годзе музычнай праграмы не было. Акрамя гэтага, на фестывалі здымуць абмежаванне па колькасці ўдзельнікаў і павялічаць колькасць намінацый.
Арганізатары плануюць задзейнічаць не толькі пляцоўку каля Triniti. На дні правядзення фестывалю — 21, 22 і 23 ліпеня — плануюць далучыць гродзенскія ўстановы і экскурсаводаў, каб госці з іншых гарадоў маглі бавіць час не толькі на фестывалі.
«Для гэтага будзе створана спецыяльна мапа горада, запрашаем уладальнікаў установаў і выстаў да супрацоўніцтва», — сказалі арганізатары.
Першы фестываль «Лакацыя» адбыўся 20 жніўня 2022 года на паркінгу Triniti. На яго прыехалі больш за 150 рэдкіх аўто. Многія замежныя ўдзельнікі так і не даехалі з-за вялікіх чэргаў на межах. «Лакацыю» правялі замест фестывалю SunDay — штогадовага аўтафестывалю, які да эпідэміі COVID-19 праходзіў на пляцоўцы ля Юбілейнага возера.
Чытайце таксама: «Дайце мне хоць 20 000 еўра — іх усё роўна будзе мала». У Гродне прайшоў аўтамабільны фестываль «Лакацыя»
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…