Лідскі замак. Ілюстрацыйнае фота Hrodna.life
У Лідзе да 700-годдзя горада запланавалі дзясяткі імпрэзаў. Іх праводзяць на працягу 2023 года ў розных сфераў. Асноўныя арганізатары — Лідскі палац культуры і Лідскі гісторыка-мастацкі музей, паведаміў тэлеканал «Беларусь 4 Гродна».
Асноўныя дні святкавання 700-годдзя Ліды — 2 і 3 верасня 2023 года. Лідскі палац культуры займаецца арганізацыяй музычна-забаўляльнай часткі, а Лідскі гісторыка-мастацкі музей арганізуе навуковую і культурна-пазнавальныя імпрэзы.
Напрыклад, яны арганізуюць канферэнцыю з удзелам Акадэміі навук, круглы стол, а таксама сустрэчу з архітэктарамі і археолагамі, якія прымалі ўдзел у раскопках на тэрыторыі Лідскага замка ў 1980-я — 1990-я гады, расказала дырэктарка гісторыка-мастацкага музея ў Лідзе Вольга Лук’ян.
На тэрыторыі Лідскага замка будуць адбывацца імпрэзы «Замкавы гасцінец». Гэта будуць мерапрыемствы выхаднога дня для сямейнага наведвальніка.
Падчас святкавання 700-годдзя Ліды 2 верасня 2023 года ў горадзе адбудзецца рыцарскі турнір «Меч Лідскага замка», а таксама фестываль LIDBEER, які не праводілі з 2020 года.
На фестывалі будуць тры сцэны: з рок-музыкай, поп і фолк-выканаўцамі. Каля замкавай сцяны цягам дня будуць граць DJ-сэты. На тэрыторыі фестывалю будзе блізу 200 кропак з фастфудам. Упершыню ў рамках LIDBEER пройдзе фестываль феерверкаў: акрамя вялікага вячэрняга завяршальнага салюту будзе некалькі дзённых.
1 верасня ў Лідзе адбудзецца гастрафэст. Яго араганізуе Лідскі малочна-кансервавы камбінат і Лідахлебапрадук. 3 верасня адбудзецца забег здароўя.
Чытайце таксама: LIDBEER вернецца, але іншы і бясплатны
За ўвесь час, колькі ідзе адбудова Любчанскага замка, у ім аднавілі частку абарончых сцен і…
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…