Прыватную афтальмалагічную клініку «Новы зрок» пазбавілі ліцэнзіі. З 28 ліпеня 2023 года ёй забаронена медычная дзейнасці і дзейнасць, звязаная са зваротам наркатычных і псіхатропных рэчываў. У сувязі з гэтым клініка сыходзіць з рынку Беларусі, паведамілі на сайце клінікі.
Клініку пазбавілі ліцэнзіі за «нібыта дапушчаныя 13 гадоў таму ліцэнзійныя патрабаванні пры падачы дакументаў», напісалі на сайце «Новага зроку».
Дэпартамент фінансавых расследаванняў Камітэта дзяржаўнага кантролю нібыта выявіў падробныя дакументы з несапраўднымі звесткамі аб адказных асобах, якія не былі працаўладкаваныя на прадпрыемстве.
«З мэтай увядзення ў зман таксама выкарыстоўваліся дакументы аб памяшканнях і медыцынскіх вырабах, якія не адпавядалі рэчаіснасці, аформленыя на юрыдычную асобу да яе стварэння і рэгістрацыі», — паведамілі ў Telegram-канале Міністэрства аховы здароўя.
У красавіку 2023 года супраць уладальніка «Новага зроку» і чатырох яго супрацоўнікаў завялі крымінальную справу за нібыта «заробкі ў канвертах».
Клініка «Новы зрок» з’явілася ў Беларусі ў 1999 годзе. Цяперашную юрасобу зарэгістравалі ў 2011 годзе. Сетка працавала амаль ва ўсіх абласных цэнтрах Беларусі. Філіял у Гродне адкрыўся ў 2005 годзе і стаў першым цэнтрам сеткі па-за Мінскам. Аддзяленне размяшчалася на вуліцы Сацыялістычнай, 32.
Пад брэндам «Новы зрок» працуюць таксама афтальмалагічныя цэнтры ў іншых краінах, між іншым у Літве.
Чытайце таксама: Амаль 500 лекараў не хапае ў бальніцах і паліклініках Гродзенскай вобласці
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…