Фота ілюстрацыйнае: pexels.com
Гродзенскі бізнесмен і мецэнат Сяргей Паўлавіч Зылькоў памёр 18 жніўня ва ўросце 84 гадоў. Яго пахавалі ў Гродне 20 жніўня на могілках «Аўльс».
«Файны чалавек, Сябра, спонсар, мецэнат. Патрыёт з вялікай літары», — напісаў пра нябожчыка актор Віктар Шалкевіч, які паведаміў пра смерць у Facebook. У каментарах да допіса пра Зылькова кажуць як пра сумленнага чалавека і выдатнага бізнесоўцу.
Сяргей Зылькоў быў мецэнатам, спансаваў выданне кніг, прысвечаных беларускай гісторыі, рэстаўраваў крыж і ўсталяваў мемарыяльную кампазіцыю блізу вёскі Кадыш у памяць пра палеглых там паўстанцаў 1863 года. Падтрымліваў дзейнасць Таварыства беларускай мовы і спансаваў падарункі на Дзень роднай мовы дзецям, якія навучаюцца па-беларуску. Намагаўся наладзіць супрацоўніцтва ў галіне будаўніцтва і турызму з прадпрыемствамі Падляшша.
Прадпрыемства «Свідравіна» ўдзельнічала ў будаўніцтве Гродзенскай ГЭС на Нёмане, Полацкай ГЭС на Дзвіне, газаправода «Ямал-Еўропа», Астравецкай АЭС, аб’язной дарогі вакол Гродна, умацоўвала адхон ля падножжа Старога замка, брала ўдзел у рэканструкцыі Старога моста і будоўлі Усходняга моста.
«Сідравіне» належала фірма «Кузнечный дом», дзе выраблялі герб Стэфана Баторыя і каваныя элементы для рэстаўрацыі Старога замка, выкавалі агароджу палаца, браму і іншыя дэталі для палаца ў Свяцку.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…