АМАП у Гродне. Ілюстрацыйнае фота
Намесніка дырэктара ТАА «КліматМайстар» затрымалі за рэгістрацыю ў плане «Перамога». Відэа з затрыманнем з’явілася на канале сілавікоў 31 жніўня. Мужчына гаварыў на відэа па-беларуску.
— Я — жыхар горада Гродна. Працую намеснікам дырэктара ТАА «Кліматмайстар». Сёння быў затрыманы супрацоўнікамі ГУБАЗіКа. За тое, што быў зарэгістраны ў пляне «Перамога», — сказаў мужчына.
Затрыманы паведаміў, што зарэгістраваўся ў плане «Перамогі» дзеля цікавасці. Яму прыйшло паведамленне, каб ён выйшаў на сувязь з пэўным акаўнтам для атрымання задач. Мужчына гэтага не зрабіў, бо задач выконваць не збіраўся.
Каб затрымаць дырэктара, прыйшлі на яго працоўнае месца і затрымалі яго пры супрацоўніках.
У Гродне і раней здараліся затрыманні за рэгістрацыю ў плане «Перамогі». Як правіла, затрыманыя станавіліся абвінавачанымі па арт. 361−1 КК. Іх адпускалі пад падпіску аб нявыездзе.
Чытайце таксама: «У Гродне — больш мяккія метады». Чаму ў рэгіёне паказальна затрымліваюць дырэктараў і начальнікаў
Фірма «КліматМайстар» працуе з 2018 года. Гэта пастаўшчык сістэм вентыляцыі, кандыцыянераў і кліматычнай тэхнікі ў Беларусі.
UPD 1 верасня. Мужчыну клічуць Аляксандр Клімец, піша mediazona.by.
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…