Пра смерць гродзенскага актывіста Дзяніс Швыркіна 24 верасня паведамілі ў яго Facebook. Напярэдадні ён выехаў у эміграцыю пасля затрымання. Яму было 42 гады.
Паводле інфармацыі Hrodna.life, мужчына памёр вечарам 23 верасня. Прычынай сталі праблемы з сэрцам.
«У часы ўсеагульнай хлусні казаць праўду — гэта экстрэмізм. Джордж Оруэл. Бывай, любая мая Гародня, да пабачэння, мілая мая Радзіма. Я веру, што мы яшчэ ўбачымся. А пакуль цяжка. Вельмі-вельмі цяжка…», — напісаў ён у сваім апошнім пасце ў Facebook.
Дзяніс Швыркін — юрыст, прадпрымальнік, працаваў у кампаніі МТС, пазней у лагістыцы, апошнім часам — у Wildberries.
У грамадскім актывізме са студэнцкіх часоў, супрацоўнічаў з арганізацыяй «Ратуша» Аляксандра Мілінкевіча, быў стваральнікам адной з першых у Беларусі моладзевых Школ Правоў Чалавека, займаўся рэгіянальнымі выдавецкімі праектамі.
У 2020 годзе падтрымліваў Віктара Бабарыку, стаў удзельнікам ініцыятыўнай групы па рэгістрацыі партыі «Разам», якую анансавала каманда Бабарыкі. Тады ж, у жніўні 2020, Дзяніс Швыркін удзельнічаў у перамовах з уладамі горада і сілавікамі як прадстаўнік грамадскасці. Пазней далучыўся да платформы «Сход», якая мела быць альтэрнатывай афіцыйнаму Усебеларускаму народнаму сходу, але праіснавала нядоўга з-за масавых рэпрэсій.
У верасні 2023 года Дзяніса Швыркіна затрымлівалі за распаўсюд экстрэмісцкіх матэрыялаў. Ён выйшаў на волю са штрафам.
UPD 6 кастрычніка. У пачатку кастрычніка правялі выкрыццё цела Дзяніса Швыркіна. Цяпер трэба пачакаць заключэння аб выкрыцці і заключэння, што смерць не носіць крымінальнага характару. Гэта можа заняць некалькі тыдняў. Тады цела можна будзе вывезці ў Беларусь.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…