Святочны кірмаш «Зімовы фэст» адкрыецца ў Гродне на Савецкай плошчы 8 снежня.
Кірмаш будзе адкрыты да 7 студзеня, у буднія дні з 15:00 да 23:00, у выхадныя і святочныя дні з 13.00 да 23:00.
У гэтым годзе там будзе больш за 30 удзельнікаў, у тым ліку рамеснікаў, расказаў на «Гродна Плюс» начальнік упраўлення гандлю і паслуг Гродзенскага гарвыканкама Леанід Жук.
У гэтым годзе на кірмашы традыцыйна будзе працаваць грамадскае харчаванне. Будуць стравы, прыгатаваныя на адкрытым агні, напоі, сувеніры.
Арганізатары кірмашу абяцаюць стравы ад кухань розных народаў свету: чэшскія трдэльнікі, сакавітыя нямецкія берлінеры, бульба па-бельгійску, азербайджанскі люля-кебаб, гарачая кава і калядны глінтвейн. Плануецца зімовы кактэйльны бар з цёплымі кактэйлямі і спецыяльнымі зімовымі напоямі.
Дзяцей чакае навагодняя карусель, зімовыя актыўныя забаўкі, прысмакі і цацкі.
«Зімовы фэст» пройдзе ў Гродне ў чацвёрты раз. У мінулым годзе на фэсце, акрамя драўляных кірмашовых хатак, было пяць калядных фудтракаў.
Будзе на кірмашы і ялінкавы кірмаш. Агулам жа ў Гродне з 20 па 24 і з 26 па 30 снежня будзе працаваць 18 кірмашоў з жывымі ёлкамі.
Чытайце таксама: «Зімовы фэст» адкрылі ў Гродне. Hrodna.life паглядзеў, як выглядаюць перадсвяточныя кірмашы ў іншых еўрапейскіх гарадах
За ўвесь час, колькі ідзе адбудова Любчанскага замка, у ім аднавілі частку абарончых сцен і…
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…