Мадэрнізаваны аўтобус "Нёман". Крыніца: Telegram-канал "Пул 4 регион".
Серыйную вытворчасць аўтобусаў «Нёман» аднавіў лідскі філіял Мінскага завода колавых цягачоў. Першыя мадэлі ўжо выйшлі на маршрут, паведаміў Telegram-канал «Пул 4 регион».
У мадэлі «Прыгарадны» мадэрнізавалі колавыя аркі і крышку багажніка. З’явілася новая форма галаўной оптыкі і задніх ліхтароў, а таксама бампер. У салоне аўтобуса 29 месцаў для сядзення. Крэслы абшытыя экаскурай, маюць падгалоўнікі, падлакотнікі і рэгуліроўку. Максімальная хуткасць транспарта 100 км/г.
Выпуск аўтобусаў у Лідзе прыпынілі ў 2021 годзе. Прычына — санкцыі супраць Мінскага завода колавых цягачоў (МЗКЦ), які для вытворчасці аўтобусаў «Нёман» выкарыстоўваў шасі і агрэгаты італьянскай фірмы Iveco. У выніку на заводзе стварылі ўласную платформу для аўтамабіляў.
Завод «Нёман» у Лідзе адкрылі ў 1990 годзе. Пачаткова ён быў разлічаны на выпуск вайсковай тэхнікі. З 2014 года самастойнае ААТ «Лідскія аўтобусы «Нёман» змяніла назву на «Аўтасборачны завод «Нёман» і стала філіялам МЗКЦ.
Чытайце таксама: «Старавольскія злавілі момант». Як у Гродне рабілі ровары і матацыклы «Нёман»
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…