Унутраны дворык Гродзенскага дзяржаўнага музея гісторыі рэлігіі мае патрэбу ў рамонце. На сцяне выгарэла фарба, ёсць сляды ад насякомых і лішайнікі. Ёсць праблемы і польш сур’ёзныя — праз іх вада трапляе ў выставачныя залы. У двары праходзяць канцэрты і фестывалі, а таксама размяшчаюцца падворкі падчас Фестывалю нацыянальных культур.
Гродзенскі дзяржаўны музей гісторыі рэлігіі праводзіць закупку з адной крыніцы. На рамонт выдаткуюць 47 527,89 рублёў. Большую частку возьмуць з абласнога бюджэту, частку — з пазабюджэтных сродкаў. Рамонт плануюць рабіць з 30 траўня па 25 чэрвеня.
На фасадзе будынка Гродзенскага дзяржаўнага музея гісторыі рэлігіі знайшлі шматлікія расколіны тынкоўкі і фарбы — глыбінёй і шырынёй ад 1 да 3 см. А яшчэ — шматлікія нязмыўныя сляды ад насякомых, лішайнікі, адслаенне. Афарбоўка месцамі выгарэла і адрозніваецца ад асноўнага колеру сцен. Адслаенні і расколіны ёсць і на драўляных рамах.
На трубах ёсць сляды іржы і паразы багавіннем. На паўночна-заходнім фасадзе дажджавая вада міма вадасцёкавай сістэмы сцякае па сцяне і трапляе ў акно другога паверха ўнутр будынка. Таксама працякаюць слыхавыя вокны — вада трапляе на гарышча і ў экспазіцыйныя залы другога паверха.
Музей чакае тынкоўка і афарбоўка, рамонт цокаля, наладка гідраізаляцыі, заладка адтулін у сцяне, поўны рамонт вадасцёкавай сістэмы, частковы рамонт фальцавога даху ў месцах прымыкання да слыхавых вокнаў.
У пятніцу ўвечары, у 19.56, адміністрацыя гандлёвага цэнтра OldCity і шэраг гродзенскіх медыяў атрымалі паведамленне…
На складзе адной з раённых бальніц Гродзенскай вобласці знайшлі чатырохгадовыя запасы прадуктаў, тэрмін прыдатнасці якіх…
Кафэ "У Грушы" адкрылася ў тэставым рэжыме па адрасе Урыцкага, 26. У меню - сняданкі…
У Гродзенскай вобласці на 10 тыс. чалавек прыпадае 57 урачоў-практыкаў і 142 сярэднія медработнікі. Больш…
У XIV Фестывалі нацыянальных культур у Гродне павінны былі прыняць удзел 36 нацыянальнасцей. Але насамрэч…
У судзе Кастрычніцкага раёна Гродна пачаўся грамадзянскі працэс аб адмене здзелкі куплі-продажу кватэры. Ініцыятарам стала…