Нерухомасць тыдня: у цэнтры Гродна прадаецца ўтульная «двушка» са спальняй-акварыумам

Прасторная двухпакаёвая кватэра з сучасным рамонтам прадаецца блізу Скідзельскага рынку, на Парахавой, 9/1. Планіроўка незвычайная — частка кухні-гасцёўні аддзелена пад спальню шкляной перагародкай.

Кватэра размешчана на шостым паверсе сяміпавярховага дома, пабудаванага ў 2008 годзе. Зроблены дызайнерскі рамонт, заменена ўся электраправодка. Кухня-гасцёўня займае 17,6 кв. м. Кухонны фартух выкладзены пліткай у міжземнаморскім стылі, адна са сцен і калона ў цэнтры прасторы аздоблены дрэвам. Частка гасцінай аддзелена зашклёнай перагародкай пад спальню ў шэрых танах.

Падлогі пакрытыя ламінатам і пліткай, столі - 3 м вышынёй. На лоджыі ў 6 кв. м., з панарамнымі вокнамі, абсталявана зона адпачынку. Жылая плошча кватэры складае 42,2 кв. м, агульная — 89,3 кв. м. Ёсць гардэробная, вялікая ўбудаваная шафа і паасобны санвузел.

Кватэра прадаецца з мэбляй і бытавой тэхнікай, можна заязджаць і жыць.

Дом з сілікатных блокаў, з уласным паркінгам. З размяшчэннем пашанцавала: блізка ад цэнтра, рынка і аўтавакзала. З вокнаў адкрываецца від на гарадскія славутасці. У двары добраўпарадкавана дзіцячая пляцоўка, устаноўлена відэаназіранне. Побач ёсць крамы, школы, дзіцячыя садкі і зручны транспарт.

Кошт кватэры — $ 120 000.

Чытайце таксама:

• Нерухомасць тыдня: насупраць Triniti прадаюць кватэру ў мінімалістычным стылі з элементамі скандынаўскага дызайну
• Нерухомасць тыдня: у Гродне знайшлася олдскульная кватэра, дзе ўсе сцены аздобленыя натуральным дрэвам
• Нерухомасць тыдня: прадаюць салатавую кватэру каля Каложскага парка