Гродзенскі інтэрнэт-рэсурс Hrodna.life унеслі ў «пералік арганізацый, фарміраванняў, індывідуальных прадпрымальнікаў, датычных да экстрэмісцкай дзейнасці». Такое рашэнне прыняў Камітэт дзяржаўнай бяспекі Беларусі 11 лістапада 2022. Адпаведныя змены ў спісе апублікавалі на сайце Міністэрства унутранных спраў 21 лістапада.
«Суполка грамадзянаў з ліку стваральнікаў, удзельнікаў і адміністратараў інтэрнэт-рэсурса Hrodna.life, Telegram-каналаў „Гродно like!“, Hrodna One Love, а таксама YouTube-канала Hrodna One Love здзяйсняе экстрэмісцкую дзейнасць», — напісалі на сайце МУС.
За «экстрэмісцкае фарміраванне» могуць пакараць стваральніка, кіраўніка альбо ўдзельніка. Яго могуць асудзіць да 10 гадоў пазбаўлення волі паводле арт. 361−1 Крымінальнага кодэкса. За ўдзел у такім фарміраванні з мэтай здзяйснення злачынства могуць пакараць да шасці гадоў пазбаўлення волі (арт.361−3 КК).
За сайдзейнічанне экстрэмісцкай дзейнасці - да сямі гадоў пазбаўлення волі, а за фінансаванне — да васьмі гадоў.
Дэпутатка Палаты прадстаўнікоў Лілія Ананіч у кастрычніку 2022 года прапаноўвала трактаваць падпіску на «экстрэмісцкія фарміраванні» як «садзеянне». Але ў судзе павінны даказаць, што ўдзел быў у мэтах здзяйснення злачынства. Гэтая прапанова Ананіч пакуль у законе не замацавана.
Вы можаце не адпісвацца ад нашых сацыяльных сетак і працягваць іх чытаць. Але для сваёй бяспекі лепш адпісацца і чытаць нас, знаходзячы ў пошуку. Акрамя гэтага, Hrodna.life раіць вам пачысціць дыялогі з намі і выдаліць усе матэрыялы і каментары, якія вы нам дасылалі.
У ліпені 2021 года суд Ленінскага раёна прызнаў Telegram-канал Hrodna.life экстрэмісцкім матэрыяламі. Прычынай сталі выяўленыя сілавікамі публікацыі, якія эксперты палічылі «накіраванымі на распальванне сацыяльнай і іншай варожасці». Прыкметы экстрэмізму і распальвання варожасці экспертная камісія знайшла ў некаторых каментарах чытачоў. Той Telegram-канал рэдакцыя выдаліла.
У ліпені 2022 года Інфармацыю ў суполцы ў Instagram «hrodna. like», Telegram-канале «Гродна Like», суполцы ў Facebook «Hrodna. life» і Youtube-канале «Hrodna Life» таксама таксама прызналі экстрэмісцкай прадукцыяй.
Раней у спіс «экстрэмісцкіх фарміраванняў» унеслі беларускія незалежныя СМІ. Сярод іх Бе**ПАН, «На** Н**а», «Еўра***ыё», «Бел**т», Ze***o.
Гродненец Ежи Григенча попал под спецпроизводство. Процесс против мужчины начали 2 мая 2024 года. Ежи…
Польские визовые центры в Гродно и Лиде подняли цену сервисного сбора. Сейчас при подаче на…
Самый быстрый рост цен на пищевую продукцию в Беларуси наблюдается в Гродненской области. За первый…
Гродненских школьников привели в изолятор временного содержания. Это произошло в рамках экскурсии, сообщила пресс-служба Управления…
В центре Гродно достраивают офис IT-компании “Афранс”. Он будет состоять из двух зданий на улице…
Получить товары из-за границы должна была религиозная миссия Благотворительного католического общества “Каритас” Гродненской епархии. Пограничники…